طآآن بس جنان

الـــثـــــــوره لــــــســـــــه مــــــــســـــــــتـــــــــــمـــــــــــــــره

2012-01-21T08:08:00.005-08:00

وعشان اللى بيقولوا استقرار وبيقولوا كفايه خربتوا البلد
وللى راضيين بالذل والخنوع
واللى موافقين على بكره يكون زى النهارده وزى امبارح
واللى عاوزين ينداس علينا ونفضل مبسوطين وناخد على قفانا ونقول كمان ونفضل برضه مبسوطين
للي شايف ان مبارك كويس وطنطاوى حلو والمجلس زى الفل
للى شايف عكاشه وزبايدر ولكل متواطئ مع اللى بيحصل واللى بيقبل انه يتنازل عن دم الشهداء هما الصح وبس للاخوان والسلفيين اللى بيتسابقوا على الكراسي وبيتهموا الثوار بالمفسديين وخروج على الحاكم
للي بيتطاطى وبيقبل بالجزم تدوس على رقبته
أحب أقولكم حاجه بسيطه وأوضح حاجه يمكن تكون غايبه عنكم
وده أكيد لان انتم مبتفكروش او دماغكم صدت من زمان من كتر ما مبارك عمل فيكم

احنا نازلين ومكملين والثوره مستمره ... نازلين عشان دم الشهيد وحقه وحلمه
نازلين عشان عيون حراره ورضا وكل واحد اتصاب عشان حقنا يرجع
نازلين عشان أطفال الشوارع المتهانين اللى ملهمش نسب ولا أصل ولا فصل وبياكلوا من الزباله وبيناموا في الشارع نازلين عشان الامراض اللى انتشرت فى بلدنا والوباء اللى عيشنا فيه
نازلين عشان تعليمنا المتدنى اللى ملوش اى لازمه
نازلين عشان حقنا اللى بيتسرق من زمان واحنا متكتفيين وساكيتن
نازلين عشان فلوسنا وثروتنا اللى بتتنهب من 30 سنه
نازلين عشان احنا عملنا ثوره عشان الحق يرجع ولسه برضه مرجعش
نازلين عشان لسه النظام مسقطش
نازلين عشان مبارك هو اللى لسه بيحكم مصر
نازلين عشان طنطاوى بيستعبط بصراحه وفاكر انه بيدينا على قفانا يبقي اكيد ثورتنا مستمره
وعمرها ما هتنتهى غير لما حقنا يرجع وحق الشهداء والمصابين يرجع
ويااما يرجع حقنا بالحق والعدل ياإما احنا هناخده بإيدينا
ماهو هناخد حقنا هناخده بالذوق او بالذوق برضه حقنا لازم يرجع

والـــــثـــــــــــــوره مـــــــــــســــــتــــــمـــــــــــره وحــــــــــــق الــــــشــهــــيـــد لازم يــــــــرجــــــــع ، وعـــيــــون حــــراره مـــش هـــتــــروح بــــــــــلاش

كل سنة وأنتى طيبه يامدونتى ياحبيبتى

2011-12-24T23:42:00.005-08:00

مدووووووووونتى حبيبتى "طآآن بس جنان" عيد ميلادها الخامس النهارده

كل سنة وانتى طيبه يامدونتى ياحبيبتى ويارب تفضلي معايا على طول

كل سنة وانتى اللى بفضفضلك وكل سنة وانتى على طول بتسمعينى

كل سنة وانتى بخير

والله كبرتى يامدونتى وبقي عندك 5 سنين يارب يزيد ويبارك يارب

والسنه ديه أحلي سنه تمر عليا وأنتى معايا

عشان السنه ديه حصل فيها حاجات كتير .. فيه الحلو وكان فيها كتير وحش الحمدلله على كل شئ

هو فيها حاجات مكنتش حلوه للأسف بس فيها حاجه كانت من أحلي وأجمل الحاجات فى حياتى ربنا عوضنى بيها عن الحزن اللى شوفته وفقدان الأشخاص اللى كنت بحبهم

بس ربنا كريم الحمدلله واستجاب لدعاوى اللى بيحبونى

يارب دايما يامدونتى أشوفك معايا وفاتحه ليا صفحاتك وبكتب فيكى زى ماانا عاوزه

ودايما بشتكيلك وبجري عليكى وأقولك على اللى في قلبي

ودايما تسيبلي كل صفحه أكتب فيها زى ماانا عاوزه ان شاء الله حتى أكتب قصة حياتى

شكرا كتييييير على كل حاجه وشكرا انك استحملتى ال5 سنين دول من غير ما تشتكى منى

ويارب عقبال 50 سنه كمان وانتى بتسمعينى
بحبك يامدونتى ياحبيبتى

كل سنة وأنتى معايا دايما

شكرا مدونتى

ربيع قلبي ابتدا :)

2011-11-12T02:15:00.000-08:00

ربيع قلبي أبتدا

قلبي الأخضر المليان بالندى

حبي ليه شكله هيبقي كله هنا

يارب يسعدنى بيه ويسعد قلبه وقلبي معاه

شكله ربيع قلبي خلاص هيفضل على طول ربيع ومش هيجى ابدا الخريف ان شاء الله

يارب يكون ربيع على طول بكل أزهاره وورده وكل مافيه من خضره

وكل ألوان الحب

ربيع قلبي معاه غير اى ربيع تانى .. مختلف .. غريب ،، وجميل طول ماهو معايا

بدأت أحب قلبي من تانى

ولسه يدوبك بدأت أعرف يعنى ايه حب

قلبي يؤلمنى

2011-10-29T09:44:00.003-08:00

قلبي يؤلمنى

حزين

الحمدلله على كل شئ

معرفة الناس كنوز

2011-10-15T09:19:00.004-08:00

معرفة الناس كنوز

زى ما دايما بنسمع فى المثل بيقولوا " معرفة الناس كنوز"

كل ما تعرف شخص جديد فى حياتك بتكسب حاجات كتير اوى

اكتسبت شخصيه جديده بابتسامه مختلفه بقلب مختلف بتفاصيل فى حياته مختلفه واكيد هتتعلم منها

غير انك بتكسب أشخاص مع الايام ممكن يتحولوا لاصدقاء حقيقيين

معرفة الناس مش مجرد معرفة وخلاص على كده .. لألأ .. ديه معرفة لازم تطلع منها كسبان

واوعى تخسر فيها مهما كان

اوعى لا تخسر نفسك ولا تخسر الناس اللى عرفتها

ولو خسرت ساعتها الخساره هتبقي كبيره وغاليه وممكن متقدرش تعوضها

لانك كل ما تخسر اللى حواليك كل ما هتقفل باب فى حياتك

والباب ده كان مصدر خير او حب الناس اللى حواليك ليك

أعرف كل الناس الحلو منهم والوحش

حافظ على الحلو

وحاول تغير من الوحش للاحسن

اتعلم من الناس واياك تخسرهم

اتعلم من الناس وعلمهم الخير والحب والتسامح والقوه والرضا

علمهم ازاى يمشوا فى الطريق مع صديق بقلبه النقي والبرئ من غير لا غش ولا تزويق

احفظ ابتسامتهم واياك تحول ابتسامتهم لحزن او زعل

حافظ على قلوبهم واياك تكسرها بسوء فهم منك او بتعامل غير متوقع

لو خسرت حد منهم يبقي انت خسرت نفسك والخساره هتبقي كبيره وهتندم عليها

خلي كل الناس اصحابك وحبايبك وقرب على قد ما تقدر من اللى ينفع تقرب منهم

حياتك أجمل بمعرفة الناس "اللى تستاهل انك تعرفها"

واللى ميستاههلش اديك عرفته قيمتك فى حياته كانت هتفرق معاه ازاى لو كان حافظ عليك

يبقي احنا لازم نطبق المثل ونفهمه قبل اى حاجة " معرفة الناس كنووووووووز وجواهر كمان "

ربنا مايحرمنيش من كنوزى وجواهري ياارب

الـصــديــــق

2011-10-13T05:48:00.003-08:00

الصديق
كلمه لها معنى كبير وعميق ومش اى حد يستحقها غير اللى يقدر قيمتها

غبت كثيرا عن نفسي

2011-09-29T13:13:00.003-08:00

غبت كثيرا عن نفسي

لم أدري كم من الوقت مر وكم من الايام عدت علي ومازالت فى غياب اللاوعي الذي لم اكن ادرى من الاساس اننى فيه

ذهبت بعيد مع هذا الغياب ولم يتبقي منى شئ سوى بعض الذكريات

ذهبت وانا ادرى ان هذا الطريق يخنقنى يمويتنى يسحب روحى منى ولكن لا شئ يبعدنى عنه سوي بعض الكلمات التى تأتى ولكنها لا تؤثر علي وأصبحت ذاهبه في طريقي

طريق بلا داعي

ذهبت ولكنى تعلمت من هذا الطريق تعلمت الكثير

كيف ادخل الى هذا المكان ولم أخذ منه العبره

كيف وهو العبره ذاتها

التقيت ببعض الافراد ولكنهم خارج توقعاتنا بعيدا تماما عن سلوكياتنا

عند اللقاء والانبهار من الوهله الاولي انبهار بالاعجاب وانبهار بالاشمئزاز من السلوك والاسلوب

ولكن ما علينا سوي التعامل والانصهار معهم كي تستطيع العيش معهم

ولكن فى هذا الطريق فقدت الكثير من الثقه الامان

ولكنى تعلمت من يستحق ثقتى ومن يستطيع ان يوفرلي الشعور بالأمان

ومن قد يذهب بعيدا ويصبح ليس له أهميه وليس له وجود سوى فى وجود من هم مثله متهمين بأنهم أشخاص حقيقيين ولكنهم وهميين ليس لهم وجود فى الاصل

أسطورة انتى !!

2011-09-11T08:16:00.005-08:00

أسطورة انتى !!

أسطورة سطرت كل أحرفها بدموع عينها حين ذرفت على خدها وارتسمت بقدر حزنها

ولم تجد مفر من دمع العين الا بالبعد عن كل من يحيط بها

قد خافت من هجوم من حولها ولومها على ما حزنت عليه

ولكن دمع عينها وارتجاف قلبها جعلها تبعد تماما عن نفسها

ترغب فى النوم الى الأبد

تريد الأنزواء بعيدا

جلست تشاطر همومها مع نفسها حتى تخفف ما بها على نفسها

ولكن حزن قلبها سيطر عليها وجعلها تتألم

ذهبت الى حيث تلجأ دائما

رفعت يدها الى ربها

وقالت ياإلهي أعطنى ما أنت تكن راض عنه ولا تحرمنى من حبك

وعادت مرة آخري تبحث عن أمل

الأمل الذي ضاع بعيدا ولم تعد تراه الا فى الأحلام

أحلامها التى تحولت الى كوابيس

تستيقظ فزعة من نومها حامله كابوسها في قلبها

تشعر به كأنه غصه فى جوف قلبها

تحمله وتتألم به فى صمت وتعيشه فى صمت

تخاف ان يتحقق او ان تشعر به مرة آخري أيضا فى صمت

تعود تحاول ان تنام مرة آخري ولكن لا فائده

كل شئ عاد وكأن الكوابيس تواعدها والخوف يملأ قلبها

ومازال الدمع يملأ عينها

ويسقط على خدها

فتتوارى بعيدا عن من حولها كى لا يروا قلبها ينزف حزنا وألما على ما آلمها

ولازالت ترجو ربها بأن يفرج همها الذي يملأ قلبها

وعندها أدركت ان الدنيا ماهى الا ثوب جميل تستطيع جعله مثلما تريد

ولكن لم يكن كما تريد الا بثقتك برب العباد

ولم يكن الا كما صنعت لنفسك من حياة يملأها أمل وحياء وحب لله

وأدركت حينها ان دمع عينها لازال يتساقط ولكن فرحا بعودتها لطريقها التى بحثت عنه كثيرا

ووجدته فى قلبها عندما زاد ايمانا وثقه بالله

وزال وجع قلبها التى شعرت به ولم يعد له وجود

وحينها أدركت ان ربها تقبل دعائها

وشكرته على حبه ورحمته بها

وهكذا تمضي الآهات و الآلام

وتبدأ أسطورة جديدة يملؤها الأمل والإيمان

أسطورة تستحق ان تكتب من جديد

وتتعلم من القديم

وتنحت فى القلب كل ما فاتها وكل ماهو آت لها فى ثوبها الجديد

فلنبحث جيدا !!

2011-09-10T08:36:00.004-08:00

أبحث عن أشياء كثيره بداخلي وفى عالمي الخارجى

أبحث عن أشياء قد تكون فى أهميتها لا تقل عن عبادتنا لله عز وجل

قد نبحث عن أنفسنا التى قد تضيع فى زحام الحياه الروتينيه

قد نبحث عن أنفسنا التى تاهت ولم نعد نراها الا فى أشياء معينه

نبحث عن قلوب قد تحجرت مع مرور الزمان

قد مللنا أنفسنا

ومللنا حياتنا المعتاده التى لا تغير ولا تتغير من شئ

بل هى كما هى

البحث فى أعماقنا قد يؤدي الى حدوث أشياء غير متوقعه ونتائج لا ندركها الا بعد حدوثها بزمن

نبحث بداخل النفس التى تبحث فى داخل القلب التى هي ذاتها تبحث فى أرواحنا عن أشياء افتقدناها بفقدان عوامل كثيره فى زماننا الحالي

وقد يسبب فقدانها فقدان طعم الأشياء المختلفه الجميله أحيانا والمره أحيانا آخري

لذلك فانا أبحث عن روحى التى تركتنى وعن نصف قلبي المختبئ

منتظره اكتمال روحى وقلبي

منتظره كل شئ

بل منتظره مع سعي منى لذلك وليس الوقوف جانبا

وحين يكتمل سأكون قد اكتملت وليس الكمال فى كل شئ ولكن اكتمال الروح والقلب ماهو الا اكتمال بعض أهدافنا التى

نسعي للوصول اليها وإكتمال أشياء كثيره بداخلنا

فلنعود مرة آخري للبحث عن تلك الأشياء

على الرغم من عدم ثقتى الكامله بمن حولي التى تجعل من معاملتى مع البشر شئ صعب فى الوقت الحالي

هل سأحصل على ما أريد وسأكون سعيده به ام اننى سأجد ما يصدمنى كالمعتاد ؟؟

هل سأجد ما أبحث عنه ؟؟

ولكن ثقتى بالله فوق كل شئ

أثق بك ياالله على الرغم من وجود صدمات كثيره اتعرض لها فى حياتى

أدت الى فقدانى الثقه بمن حولي وفى كل شئ

ولكن ربي لن يضيعنى أبدااا

أحبك ربي وأثق بك وبما كتبته لي وراضيه بكل ما قسمته لي وكتبته لي

وعودا حميدا لنفسي

ولــحـــد إمتـــى ؟؟!!

2011-08-14T13:31:00.003-08:00

ولحد إمتى ؟؟ّ!!

فيه حاجات كتير لازم تخلص

وحاجات اكتر لازم تبدى

بس البدايه فيها الف شرط

والنهايه برضه فيها حاجات كتير تزعل

بس من الزعل بنتعلم ونستفيد

وليه اصلا نعمل حساب لحد معملش حساب لينا

ولحد امتى هنزعل واحنا الحزن اصلا ملينا

ولحد امتى هنقف نتفرج على اللى بياخد حقنا واحنا مفيش حاجة فى ايدينا

ولحد امتى هنقبل بالجرح وبرضه لسه القوة مليانه

ولحد امتى هنقف فى وش الريح

ولحد امتى مش هنخاف وهنصد اللى هيضربنا

لحد امتى ؟؟

الحمدلله على ما رزقتنى من قوة تحمل ومن عقل يفكر ومن قلب مع العقل يتدبر

الحمدلله على حبك وكرمك وعفوك يارب

الحمدلله على ان ربنا هو ربنا بكرمه وعفوه ورحمته

أحبك ربي

رمضان كريم :)

2011-07-31T12:59:00.003-08:00

رمضان كريم ... مختلف ... جديد

رمضان بطعم الحريه

من غير لا مبارك ولا نظيف ولا جمال

رمضان جميل ان شاء الله

رمضان كله مغفره وعتق من النار ان شاء الله

يارب اغفر لنا ولأمة حبيبك محمد صلي الله عليه وسلم

الله يرحمك ياتيته .. وحشتينى

2011-07-30T04:12:00.002-08:00

الله يرحمك ياتيته

كانت هى اللى منوره الدنيا

وبدعوتها لينا بتنسينا اى حاجة مضيقانا او اى مشكلة بتقابلنا فى حياتنا

بوجودها معانا وفى وسطينا بتحسسنا بان الدنيا لسه بخير

حاجة من الزمن الجميل

حبها لينا وقربها منا ده اللى كان بيهون كتير من الدنيا علينا

رضاها علينا بالدنيا وما فيها

وتعلقها بينا وتعلقنا بيها مش عادى

آخر حد نادتوا وكانت عاوزاه يكون جنبها كنت أنا قبل ما تموت على طول

بس للأسف مكنتش موجودة ساعتها

سامحينى ياحبيبتى انى مكنتش جنبك ومنفذتش آخر طلب طلبتيه انى اكون جنبك لمجرد انك بتطمأنى وانا جنبك

ربنا يرحمك ياحبيبتى ويصبرنا ويغفرلك كل ذنوبك ويعفو عنك

وحشتينى وبجد البيت وحش من غيرك

ومفتقده صوتك وانتى بتقولي يارضوى طبطبى عليا

ولما طلبتى منى انك تشربي ولما شربتك قولتيلي ياروح قلب تيته

اهه انا دلوقتى روحي راحت معاكى :((

مفتقده دعوتك وانتى بتقوليلي يارب يريح قلبك يارضوى

مفتقده ياحبيبتى كل حاجة فيكى

وحشتينى ياحبيبتى

بقالي اسبوع مش شوفتك وحاسه ان الاسبوع مر كأنه سنة

يارب صبرني على الايام الجايه من غيرك

وحشتينى

بحبك يارب :)

2011-07-16T04:38:00.002-08:00

دايما الواحد بيبقي عايش وهو عارف انه لازم يتعلم

ولسه بيتعلم

وهيموت وهو بيتعلم

وياسلااااام لو الواحد اتعلم وبقي أقوى من قبل كده

فعلا اللى ربنا بيحبه بيحطه فى مواقف يتعلم منها

واللى ربنا بيحبه برضه بينقذه منها فى الوقت المناسب

وكل مرة ربنا بينقذنى من مصيبه بتأكد ان ربنا فعلا بيحبنى اووووووووى

وبيحمينى فى كل مرة وبينبهنى عشان مقعش فى الكارثة

سبحانك ياربي

قد ايه سجدتى على الارض ودعائي ليك مبيروحوش هدر

وقد ايه حبي ليك بلاقي مقابل له حب أكبر منك ليا

ومغفره وعفو وكرم ورضا وحب

سبحانك ياربي

قد ايه يارب بحبك وبحب رحمتك اللى بتبعتهالي فى كل مرة ببقي فيها محتاجاك

الحمدلله على كل حال والحمدلله على عفوك ورضاك وكرمك

يارب اللهم أهدنا لأحسن الاخلاق لا يهدى لأحسنها الا انت

بحبك يارب

يعنى ايه ثورة بجد ؟؟؟

2011-07-07T16:39:00.005-08:00

يعنى ايه ثورة ؟؟

ثورة يعنى ترفض وتقول لأ للفساد والظلم

يعنى تقوم من مكانك كده زى الشاطر وتتحرك وتعمل اللى يرضي ربنا عليك واللى يرضي ضميرك

يعنى تقوم وتقف وتتحرك وتحاول تعمل نهضه فى بلدك

يعنى لما أعمل ثورة ميتقالش عليا ماسونى وعيل سيس وبلطجى
وبتاع أجندات وكنتاكى اللى بتأكلنى وبتتعطف عليا
يعنى تحافظ على ثروة بلدك من السرقه

يعنى أول ما تشوف حرامي تبقي متأكد انه هيتحاكم محاكمة عادلة
وأكيد مش هياخد براءة
يعنى لما حد يقتل يتحاكم مش نشكره ونديله براءة

يعنى لما رئيس يغلط او وزير يسرق او مسئول يتهاون تبقي عارف ومتأكد ان ليلته اسود منها مفيش

وان مفيش حد هيأكل حق حد

يعنى لما تبقي ماشي فى الشارع تبقي ماشي وانت مطمأن وحاسس بأمان

متبقاش خايف تتكلم احسن تروح فى ستين داهيه

يعنى تعيش عيشة فل وعايش مبسوط ولاقي شغل كويس وبيت محترم ومرتب يعيشك انت وأسرتك عيشة تمام

يعنى تشارك فى كل حاجة بتحصل فى البلد

تشارك فى السياسة والاقتصاد والنهضه والتعليم وفى كل حاجة

يعنى مترميش ورقه فى الشارع وتحافظ على المكان اللى انت ماشي فيه

يعنى تتعلم ونعلم صح

يعنى يطلع من تحت إيدك جيل تفتخر بيه ومش انت لوحدك اللى تفتخر بيه مصر كمان تفتخر بالجيل ده

يعنى لما اتظلم الاقي العداله تنصفنى

يعنى أعيش زيي زى اى حد من غير وسايط ولا محسوبيات

يعنى ميبقاش فيه شاي بالياسمين فيكى يامصر

يعنى لما نعمل ثورة يبقي لازم تكون ثورة بجد
وانا عن نفسي مبقبلش بنص ثورة

ياثورة كاملة وناخد حقنا كامل متكامل

ياما الحرامية يرجعوا يمسكوا البلد من تانى ونبقي نستاهل بقي ناخد على دماغنا

عشان كده لازم ننزل ونرفض ونقول لأ لسرقه الثورة
لأ للظلم

وعاوزة حقي وحق كل شهيد أستشهد فيكى يامصر

دم الشهداء مش هيروح هدر .. لانهم ضحوا عشانى وعشانك

ضحوا بأرواحهم عشان مصر تبقي احسن وعشان مصر تبقي انقي

مصر بينا أحلي ان شاء الله

عاشقة الوطن
8/7/2011

مبقتش فاهمة حاجة !!!

2011-06-28T17:01:00.002-08:00

مبقتش فاهمة ومبقتش قادرة أفهم اى حاجة

وكل مدى والدنيا بتتعقد أكتر

وشكوكى بتزيد

وحيرتى بتزيد أكتر وأكتر

مبقتش عارفه هو آه ولا لأ

مبقتش قادرة أحدد ليه وازاى واشمعنى بيحصل كده

بقيت خايفه اوى ومش قادرة احط لنفسي حاجة امشي عليها

وكل مدى بحس ان بدل ما نقرب بنبعد أكتر

يارب أرشدنى للصح ونور بصيرتى يارب

يارب محتاجاااااااااالك اوى

يارب يارب يارب

يارب متكسرش بخاطرى

محتاجة حنيتك عليا يارب

نـفــسـي !!!

2011-06-23T14:03:00.005-08:00

نفسي أكتب بس الكلام مش عاوز يتكتب

نفسي أقول بس صوتى محبوس ومش قادر يطلع

نفسي اصرخ بس حاسة انه مينفعش

نفسي فى حاجات كتير بس يمكن مش وقتها

لما يجى وقتها هابقي اكتبها واقولها واصرخ بيها زى ماانا عاوزة

يارب

أحيانا !!!

2011-06-17T11:31:00.003-08:00

أحيانا نصل الى طريق لا نعرف ولا ندرى ماهو

أحيانا نختلق بعض الاعذار لبعض الأشياء

وأحيانا نختنق من بعض الأشياء الآخري

وأحيانا نحمل هموم غيرنا ولا ندرى أهو يستحق تحمل همه أم لا؟؟

وأحيانا نخاف على كل ما نعرفهم ولا نعرفهم

وهو مايجعلنا لا نشعر بالراحة يوما

وأحيانا نبحث عن الحزن والخوف والقلق

ولكن لا نريد غير ان يرضي عنا الله ويرزقنا راحة البال

يااااااارب ملناش غيرك

نــفــســــي !!!!

2011-06-10T06:49:00.003-08:00

نفسي أعيش لنفسي

نفسي أجرب إحساس الأنا

نفسي أبطل أخاف وأقلق وأحب أقرب الناس ليا

نفسي أبعد عن كل الناس وأعيش عاشن نفسي وبنفسي

نفسي قلبي ميفضلش مشغول على أقرب الناس

نفسي أتعامل زى ما الناس بتتعامل معايا

نفسي أعرف يعنى ايه أنانية وإحساسها بيبقي عامل ازاى

دايما قلقانة ومشغولة وخايفه على اللى أعرفهم القريبين من قلبي وأقرب الناس فى حياتى

ليه دايما مبعرفش أطنش ولا أنفض لحد ؟؟؟

ليه دايما مشغولة بيهم وليه دايما بخاف عليهم؟؟؟

امتى بقي هتخلص من الخوف والقلق الزيادة ده؟؟؟

وإمتى هتعلم احساس الأنانية وحب الذات ؟؟؟

بس قلبي مش مطواعنى ومش راضي يسمع الكلام

وعمره ما هيعرف يتعلم الأنانية لانه اتعلم ازاى يحب كل الناس

ويخاف على أقرب الناس

ويهتم بيهم وبكل حاجة تخصهم

آآآآآآآآآه منك ياقلبي :(

بخطواتنا الثابته الصامتة !!

2011-06-09T13:27:00.004-08:00

بخطوات ثابتة صامتة

لا تتحرك ولا يحدث بها جديد

بخطوات ثابتة بها لا يتغير شيئا

وكل شئ كما هو ... لا نصل الى ما نريد

بخطوات ثابتة نحو شئ نريده ... ولكننا لا نسعي إليه بما فيه الكفايه

ندرك اننا نريده ولكن نخشاه

ولكن نخاف من القادم .. ربما !!

نخاف من الجديد .. أحيانا !!

لا نحافظ عليه ... غالبا !!

وبالتالي نبقي على هذه الخطوات لا تتغير

ولا يحدث بها جديد

كلما اقتربنا نبتعد

عندما نريد الحفاظ على هذا الشئ كلما ضيعناه أكثر

لا ندري أهو هو نفس الشئ الذي نريده فنضيعه ؟؟

اما اننا نضيع ما نريد ؟؟

اما اننا نضيع أنفسنا وأمانينا التى نسعي لتحقيقها ؟؟

والى متى سنظل بهذا الابتعاد والخوف والقلق ؟؟

الى متى سنظل نختبئ وراء ما نريد ؟؟

الى متى ؟؟؟؟

الى ان نختفي من الحياة ونصبح أشباه أحياء أموات

لا نبقي بهذه الخطوات الثابته الصامتة

أرفض الخطوات الثابته الصامتة وأريد ان نحركها من مكانها

ولا تبقي خطواتنا ثابتة ولا تبقي صامتة أبدا ان شاء الله

ثقتى بالله تطمأن قلبي

2011-05-29T14:34:00.003-08:00

كلما هممت بالشعور بشئ ما داخلي أجد ما يقيدنى ويعيدنى الى شئ آخر

من طمأنينة الى خوف

ومن خوف الى خوف الى طمأنينة الى خوف

وفى الغالب ما يسيطر على الامور قلق وحيره وخوف

ولكن ثقتى بالله كبيره

وإيمانى بالله قد يفوق اى خوف او قلق

قد ينهى الخوف بداخلي

لأنى أعلم ان الله لا يفعل إلا ما فى مصلحة عباده

يارب ما أريد ان أهزم الخوف بداخلي وان أتمسك بقوة إيمانك

يارب أعطنى من خيرك

وأرضي عنى ياالله

لحظة الوصول بعد الانتظار :)

2011-05-27T17:49:00.004-08:00

نظل فى إنتظاره حتى يأتى

وعندما يأتى ننتظر اللحظة الحقيقية للاعتراف به أمام العالم كله

وعند الاعتراف به نشعر كأن شئ جديد وحقيقي قد أثلجنا وأشعرنا بالفرحة

وعندها فقط ندرج اننا حصلنا اليوم على ما كنا بإنتظاره أمس

ولكن هل سنحافظ عليه ؟؟

هل سنفهمه ؟؟

هل سنعطيه كما يعطينا ؟؟

وعندها وقبل اى شئ فلابد من حمد الله على كل شئ

فدائما ثقتى بالله تعطينى أكثر مما أتمنى

فياالله أعطنى ما تراه خيراً لي فى دينى ودنيتى

وبرضه لحد إمتى ؟؟ !!

2011-05-25T16:14:00.003-08:00

ليه دايما مش بنحافظ على الحاجة اللى فى أيدينا

ودايما بنضيعها

ولما تضيع بنفتكر اننا كنا محتاجنها

ليه مش بنحس بقيمة الشئ غير لما بيضيع

وليه دايما مش بنحسس الشئ ده أهميته فى حياتنا

وهنفضل لحد امتى مستهتريين ومش فى دماغنا

وهى ايه الحياة غير تمسك بأشياء ذات قيمة والحفاظ عليها ومعرفة قيمتها

لازم نتعلم ازاى نحافظ على كل حاجة فى ايدينا حتى لو مش لينا

بس لازم نتعلم ازاى نخليها برونقها وقيمتها

ومضعش لمجرد اننا مهملين ومش عارفين ازاى نحافظ عليها

عــجــبــت لــك يازمـــن !!!!

2011-05-21T13:28:00.004-08:00

وعــجــبت لــك يــازمــن !!!

الواحد مهما بيتعامل بأصله مع الناس لكن الناس مينفعش تتعامل معاها غير بطريقتهو وبأسلوبهم

مينفعش تفضل تتعامل بحسن نيه مع الناس كلها

وتتعامل بعفوية على اساس ان الناس هتفهم قصدك وهتعرف انت قصدك خير من معاملتك معاهم

لكن الناس مش كلها للاسف بتفهم

بس ديه مش اخر الدنيا

ولازم نفضل نتعامل مع الناس مش هنقطعهم

وهنفضل نتخبط فى الدنيا وفى كل حاجة لحد ما نستقر على حاجة

وهنفضل نخاف ونتخبط ونخاف ونرجع ونندم على تعاملنا الطيب للناس

بس انا قررت اتعامل مع كل واحد بمعاملته

ولقد أعلنت التغيير الجزئي فى تعاملي مع البشر

وخير يااااااااااااابشر

وانا قبلت التحدى :)

2011-05-20T02:20:00.002-08:00

تحدى

انا قبلت التحدى

حتى لو خسرته بس انا راضيه بيه وموافقه اتحدى وهاشتغل اللى انا قررته

وان شاء الله ربنا مش هيكسفنى

مهما حصل مفيش حاجة بتكون زى مااحنا عاوزين

ولا عمرنا هنمشي الكون على مزاجنا

ولا كل اللى احنا عاوزينه هو اللى هيكون

بس كل اللى علينا اننا بنحاول وبنجرب وبنتحدى

وانا قبلت التحدى

ربنا معايا ويوفقنى ان شاء الله

أحيانا !! ولكنها البدايه :)

2011-05-16T11:31:00.004-08:00

ربما هذه هى البدايه

ربما تبدأ البدايه

ربما ...

أحيانا كثيره نري أشياء مختلفه من حولنا ولكننا لا ندرك فى وقتها انها بدايه لأشياء جديدة فى حياتنا

وعندما ندرك ننتظر كثيرا حتى نتعلم كيف نحافظ عليها ونحتفظ بها للنهايه

وأحيانا نري ان كل شئ أصبح هو الشئ نفسه

والبدايه هى بدايتك فى الحياة كلها

وللبدأ لابد من التروي والهدوء والتركيز

لابد ان نري كل شئ بأعيننا

لابد من رؤية الحقيقة بكل ما فيها من مساوئ وحسنات

فلنقبل بالمساوئ قبل الحسنات

ومن ثم فلنغير هذه المساوئ لكى تكون بداية حقيقية صحيحة

وبداية موفقه لحياة رائعة كبدايتها

12/5 عيد ميلادى :)

2011-05-11T12:09:00.000-08:00

كل جديد بيبقي حلو

وكل سنة جديدة بتمر بتبقي حلوة

عشان كل سنة بيبقي أكيد فيها جديد

وكل سنة بتبقي أفضل وبتحس انها هتبقي أجمل سنة هتمر عليك

وعشان كده كل واحد بيحاول يعمل أقصي ما عنده عشان يحس ان السنة ديه معدتش بلا فايدة

والسنة ديه عدت عليا بكل ما فيها من حلوها ومرها

واتعلمت فيها كتير وعرفت فيها اكتر وعرفت ناس جديدة وصحاب جداد

وعرفت ناس على حقيقتهم مكنتش اعرفهم وفيه ناس قربت منهم أكتر وفيه أصدقاء بعدوا عنى أكتر

عرفت حاجات جديدة مكتنتش اعرفها

وفيه جديد فى حياتى فى كل يوم بيمر عليا

ويارب الجديد يستحق انه يكون فى حياتى

سنة جديدة وعمر جديد وأيام جديدة وحياة يارب يارب تكون أفضل

يارب لا أطلب كثير ولكن أطلب ما تتكتبه لي

يارب أعطنى من خيرك ما أستحقه

وأغفر لي ما أذنبته في عمرى

وأجعل أيامى كلها خير

ورضا

وحب

وأرضي عنى يارب وأرضنى بقضائك

لا أطلب غير ما تكتبه لي يارب العالمين

اللهم اجعل السنة الجديدة سنة تستحق انى أحياها

ولا يمر يوم علي فى هذه السنة الا وقد أستفدت منها

وتأكدت شكوكى :)

2011-05-10T15:09:00.003-08:00

وبعد معاناة وقلق وحيره غامرة

تأكدت كل شكوكى وحيرتى

وماذا بعد ؟؟

اللى بعد كده عاوز تمحيص وفحص وتركيز وهدوء ومراجعة ومذاكرة وتفكير

وبعدها القرار الأخير ان شاء الله

والقرار مش سهل واكيد محتاج منا كتير

بعدها أقدر أقول آه أو لأ

وهى ديه الحيره القادمة

يــــارب لا تعطنى أكثر مما تختار لي ..

فما تختاره لي هو الأفضل دائما ..

يـــارب لا تعطنى ما أتمنى ..

ولــكــن أعطنى ما تراه لي الأفضل ياالله

ولحد إمتى ؟؟!!

2011-05-06T05:02:00.005-08:00

ليه دايما بنكون مش عارفين ان اللى احنا فيه هو اللى احنا قاصدينه

وليه دايما خايفين من حاجات ممكن تحصل بس لو حصلت هتغير حياتك كلها

وليه دايما شايفين ان احنا لازم نتعلم كل حاجة حتى لو احنا عارفينها

وليه دايما بنكدب إحساسنا واحنا يمكن شبه متأكدين منه

وليه خايفين دايما على بكرة

وبكرة ان شاء الله هيبقي أحلي

وليه دايما الظروف بتحوشنا وبتبعدنا

لحد امتى هنفضل محتارين وخايفين اننا نصدق روحنا

ونقول اللى احنا فيه ده هو اللى احنا حاسين بيه

ليه دايما خايفين من حاجات كتير مرت فى حياتنا لتتكرر تانى

ونرجع نندم من تانى ونقول ياريت اللى جري ما كان

هو احنا اكيد لازم نتعلم من تجاربنا بس مش لازم نخليها تعوقنا او توقف فى طريقنا

هنحاول وهنجرب وهننجح او نفشل

أدينا حاولنا وأكيد لازم ناخد حذرنا

ونحاول منوقعش فى نفس غلطنا

يمكن المرة ديه نتعلم صح

وننجح عن كل مرة

ونبطل خوف من إحساسنا

وهنفضل نقول يارب

يــــــــارب

قراراتــــــى تــــمــــــــام.. الحـــمــدلله :)

2011-04-26T08:39:00.005-08:00

سبحانك ياربي ياكريم

كل ما يحصل موقف ما ولازم أخد فيه قرار حاسم وقرار مصيري وبعد ما أخد القرار ببقي خايفه اكون غلطانة

او ان قراراتى مش مظبوطة مثلا

لكن سبحان الله كل ما بيمر الوقت بعد اتخاذ قرارات معينه فى حياتى

بيظهر قدامى حاجات بتدل على انى خدت القرار الصح

انا كده هأبدأ أتغر فى نفسي وفى قراراتى

لالالا طيعا مش هتوصل للغرور بس هتوصل ان شاء الله لحد الثقة فى النفس بشكل كبير

عشان الحمدلله أتأكدت ان انا صح فى كل حاجة بفكر فيها وكل قرار بأخده وببقي مصممة عليه

سبحانك ياربي

والحمدلله يااااارب على انك بتنورلي بصيرتى بالقرارات السليمة والمظبوطة

نفس الحيره !!!

2011-04-16T23:47:00.002-08:00

هى هى

نفس الحيره

نفس التوهان

نفس الخوف

ونفس القلق

والتفكير الكتير

والخوف من اللى جاى

وياتري ياهالتري

ممكن آه ... وممكن لأ

طيب وايه المانع ؟؟

ماهو ده الطبيعي

الدنيا غريبه وعجيبه

والفرح بقي بيزعل !!!

والحزن لسه زى ماهو برضه بيزعل

طيب والفرح ليه مبقاش يفرح ؟؟

أى حد يتمنى يفرح

وانا يعنى اللى بقيت للحزن بيت ومطرح

ولا يمكن الخوف مأثر

طيب وايه يعنى ما الخوف شئ أساسي

وعادى لما نخاف من اى شئ جديد

ونقلق واحنا رايحين لطريق أول مرة نمشي فيه وهنمشي فيه الى ما لانهايه

الخوف بقي من الـ "ما لانهايه"

ياتري يستحق الطريق ان أمشي فيه ولا هيتعبنى ويستهلكنى على الفاضي

التفكير ثم التفكير ثم التفكير

وبعدها القرار الأخير

ان شاء الله

إنه ليوم تاريخى حقَاً !!!

2011-04-13T13:39:00.004-08:00

انه ليوم تاريخى

حقا!!

اى نعم بالفعل انه لتاريخى وعالمى ومالوش مثيل

..............

ياسلاااااااام ايه اللى بيحصل ده ياناس بس

مبارك وجمال وعلاء ومرتضي وسرور وغيرهم فى يوم واحد

وقبلهم عد بقي زى ماانت عاوز

الحكومة السابقه كلها دخلت التاريخ من أوسع أبوابه يارجاله

محدش عملها قبل كده فى الدنيا ديه

بمنتهى الصدق والشفافيه والاحتراف .. كان دور الحرامى متأصل فى هؤلاء الاشخاص

فيه ناس كتير بتقول ان الريس مش هيتحاكم وشهر ولا اتنين وهيفلسع

وانه مش هيقدروا يحاكموه

فأحب أطمأن الجمييييع ان الريس الساااااااابق مبقاش آله خلاص

وانه أصبح بنى آدم عادى من لحم ودم زينا كده

ولما يغلط لازم يتحاااااااااسب

يعنى هيتحاسب هيتحاسب

وأحب أبشركم وأطمأنكم من موقعي هذا لو مبارك خرج منها او متحاكمش بما يرضي الله انا مش هأسيبه وهأجيبه هأجيبه ان شاء الله

انا اللى يأكل حقي معرفوش حتى لو مييييييييين وهأكله بسنانى

ولو متحاكمش وفلسع زى ما الناس المتشائمة او المتفائلة واللى لسه مازالت تحب الريس السوابق فبقولهم

يكفي ان مبارك ظهر قدام العالم كله انه تسبب فى فساد فى البلد

وانه بيتحاكم فى قضايا فساد وان الثورة المصريه كانت على حق حق حق

وان الثوار ناس واعيه وفاهمة وقادرة على إصلاح ما أفسده القدماء والمتكبرين واللى كانوا ماسكين فى البلد

نحن لا نتأثر بمن هاجمنا ولكننا نؤثر على من حولنا

بالإيجااااااااااب

واللى مش عاجبه ............. عنده سجن طره يروح يزور الناس الى هناك

وياخد معاه عيش وحلاوة وكرواسون عشان الناس الحلوة والطعمة اللى هناك

وحد يبقي ياخد معاه اتنين كيلو موز متحرمهمش من حاجة

فتحتوا نفسي إلهى يفتح نفس اللى بيحققوا معاكم ويطلعوا لكل واحد فيكم السي دي بتاعه اللى عنده مرتضي

هع هع هع هع

انى سعيده بما حدث

نحتاج إليهم أحيانا

2011-04-10T08:30:00.003-08:00

أحيانا نتضايق من أشياء بسيطة

ربما تكون بسيطة ولكنها فى المضمون كبيره

ولكننا نستصغرها أحيانا

ولا ننظر لها الا فى بعض الاوقات نظرة بعد إهتمام وربما بإهتمام

كل شئ وعلى حسب أهميته او عدمها بالنسبه لصاحبها

وقد يكون الشئ مهم ولكنك تدعي عدم أهميته

وقد يكون الشئ غير مهم بالفعل ولكنك تدعي أنه شئ غايه فى الاهمية

عندما تشعر بالضيق لعدم معرفة ما هو الانسب قد تشعر بالاحتياج لأقرب الناس لك

او أبعدهم حاليا أقربهم سابقا

قد نحتاج لأشخاص نتكلم معهم او ننظر اليهم او نشتكى لهم

ولكنك لن تجدهم .. لماذا ؟؟؟

لا أدري

ولكنى أشعر بالاحتياج للحديث معهم او الشكوى اليهم

هو كده فعلا ولا لأ؟؟

2011-04-07T11:21:00.003-08:00

كتير بيحصل ويمكن عادى لما يحصل ويمكن لأ

بس مش عارفه هو فعلا كده ولا لأ بس الموضوع لسه محتاج لدراسة وتفعيل وتأكيد عشان ان كنت أعرف ان هو كده فعلا ولا لأ

نشتاق .. نحتار ... وفي النهايه نفهم ما المقصود :)

2011-04-03T14:01:00.004-08:00

الكثير من الاشارات التى تصل إلينا او الأفعال التى تحدث لإيصال شئ ما الينا أحياناً لا نفهمها

او لا نستطيع تخيل ما المقصود منها

بعض الاشارات والأفعال التى قد تدل على شئ ما او يُقصد بها شئ ما

قد يكون ما فهمناه منها خاطئ وقد يكون صحيح

قد نحتاج لبعض التفكير

وربما لبعض التوضيح

وربما لبعض الوقت

لنفهم ما يُفترض فهمه

ولكن لا نكتفي ببعض الاشارات وتلك الأفعال ...

بل نشتاق ان نعرف ماذا يُقصد بها

من غير تعب او مجهود او حتى تخمين لمقصدها

على الرغم ان معرفة تلك الاشياء لا نشعر بلذتها الا بعد الاشتياق لها

وفى النهاية قد تصيبنا تلك الاشارات والأفعال بالحيرة

وقد نصاب بالحيرة والإرتباك اللذان يؤرقان كل حياتنا

فما تلك الحياة الغريبه التى نشتاق فيها

وننتظر بعض الاشياء التى قد تفرحنا او تحزنا يوم ما

فما تلك الاشياء التى قد نحتار فى فهمها

وقد تكون فى الاصل أبسط مما تكون

كل يوم يمر فى حياتنا !!!!

2011-04-02T10:58:00.004-08:00

كل يوم أتأمل ما يحدث فى حياتى لكى أجد ما أتطلع اليه

ولكن كل يوم يمر علي كأنه يوم آخر لا أريده ولا أريد وجوده

كل يوم يحدث فيه ما يحدث من أحداث لا أتطلع اليها ولكن أبحث فيها على شئ يسعدنى او شئ مما أخطط له

كل يوم يمر كأنه يوم من حياة أشخاص آخرون وبها الكثير والكثير من الاحداث

أحيانا قد أرضي عما يحدث وأحيانا آخري أتمنى لو لم تحدث

حياتى هى هى ولم يحدث ما اتمناه ان يحدث

وكل يوم يمر كأنه يوم جديد فى ظاهره ولكنه يحمل بداخله أشياء قديمة ربما او أشياء ليس ذات قيمة

كل يوم يمر به الكثير والكثير

كل يوم من حياتنا سوف يرجع لنا ليخبرنا ما حدث فيه فى زمن قد مضي ونتحدث عن أشياء قد حدثت ولا نتذكرها

قد يحدث فى حياتنا الكثير الذي يتناسي مع مرور الزمن

ويتحول الى أحداث حدثت وانتهت

ونعود مرة آخرى الى حياتنا القديمة ونرجع الى الشريط الذي مازالنا نشاهده ونستمع اليه

ما يمر في حياتنا ماهى الا بعض مما تمنيناه ولكن ليس كل ما تمنيناه

فلنعيد التفكير في أيامنا ولماذا وبماذا نعيش

الحمدلله على كل شئ فى حياتنا

أبحث عن ذاتى !!

2011-03-27T12:53:00.003-08:00

تبحث عن ذاتها فى زمن لم تجد نفسها فى أى شئ مما حولها

تشعر بتوهان لم ترسي على بر

ولم تصل الى شئ ولا تعرف ماذا تريد

يارب أوصلنى لطريقي الذى أريده وتريده لي

أوصلنى للخير الذى أبحث عنه فيما حولي

أجعلنى احدد طريقي لكي أسير فيه

يارب يسرلي أمري وأجعلنى من المستفيديين فى الدنيا من أجل الآخرة

وأجعلنى أعمل فى الدنيا ما يرضيك عنى يارب

كما يريد الله يحدث :)

2011-03-26T03:46:00.003-08:00

هكذا ليصبح كل شئ كما يريد الله

وهكذا كما كنت أريد ولكن لا أدرى ماذا أريد حقا

مهما فعلت ومهما حاولت فما يريده الله سيكون رغم أنفك

ولكن ما أراد الله ان يحدث هو ما أسعدنى وربما أراحنى وربما جعلنى أفكر فيما سيكون القادم

ولكنى سأفعل كل ما أستطيع فعله اذا أراد الله عزوجل ان أفعل هذا

حالة غريبه

2011-03-03T13:50:00.002-08:00

حالة اللاتركيز

واللاستقرار

حالة اللخبطة

حالة غريبه

ربنا يسترها وتعدى على خير ان شاء الله

أول يوم حريه !!!

2011-02-12T09:42:00.004-08:00

أول يوم حريه !!!

احساس جميل غريب عجيب كنت بحلم بيه من زمان

إحساس الحريه

الايام اللى فاتت لما كنت بخرج- ده لو خرجت - معظم لبسي من يوم ما بدأت الثورة كنت بميل للأسود عشان كنت حزينة على الشهداء الى راحوا والمجازر اللى راح فياه ضحايا وشهداء ومصابين

مكنش ليا نفس فكان اللون الأسود المناسب

بس النهاردة قدرت أغير وألبس أحمر فى أبيض فى أسود وانا مبسوطة وفرحانة

قولت أخرج أخلص اللى ورايا قبل ما أنشغل تانى

خدت بعضي وقولت أروح أطلع الرخصة -رخصة القيادة يعنى- بقالي 3 سنين مش عاوزه أطلعها عشان مش عاوزة أدفع لا رشوة ولا يبقي ليا واسطة ينجحنى وخلاص

الحمدلله قولت النهاردة هيبقي يوم جديد وأروح أجرب

روحت فعلا وانا رايحة وماشيه فى الطريق كنت ماشيه مبتسمة سعيدة (ده على غير العادة يعنى امشي مبتسمة وسعيدة كده)

المهم وصلت المرور عندنا دخلت اول حد قابلنى اتنين معرفش رتبتهم ايه فبسألهم على انى عاوزة اطلع رخصة ايه المطلوب

راح واحد قالي مطلوب كذا وكذا وكذا وادفعي فلوس المدرسة - طبعا المدرسة ديه لتعليم السواقه تبع المرور بس زى قلتها من الاخر - قولتله وادفع ليه انا متعلمة أصلا يعنى مش محتاجة أدفع فلوس المدرسة

قالي لأ لازم فلوس المدرسة - فبصراحة بقي كنت مخنوقه منهم - قولتله ده كان زمان ادفع فلوس المدرسة دلوقتى خلاص مفيش دفع فلوس المرسة انا متعلمة اصلا

طبعا فلوس المدرسة ديه بتدفع فقط عشان يرضوا ينجحوا اللى بيمتحن يعنى حتى المدرسة زى قلتها مفيهاش فايدة

طيب ماانا متعلمة السواقه لازم يعنى ادفع .. ياااااااااه على البشر وعلى الفساد وعلى الجشع

طبعا انا لما قولتله ان الكلام ده كان زمان انى ادفع فلوس المدرسة ودلوقتى حاجة تانية راح باصص ليا بابتسامة وقالي لا بس لازم تدفعي الفلوس(بنبره كلها تردد)

رديت عليه بقوله هو عشان أنجح لازم يعنى ادفع الفلوس قالي لا مش لازم طيب بصي روحى للظابط المختص اساليه هناك اهه وابقي تعالي قوليلي قالك ايه

بصراحة الرجل كان متعاون معايا

روحت للظابط المختص ياعم الظابط انا عاوزة اطلع رخصة ومتعلمة السواقه ومش عاوزة أدفع فلوس المدرسة قالي طيب تعالي بكرة الصبح امتحنى شفوي والرجل بيكلمنى بكل احترام طيب ايه المطلوب قالي كذا وكذا وكذا وخد بعضه وراح المسجد يصلي الضهر

تمام اوى كده خرجت من المرور وانا حاسة انى بتعامل بكرامه وآدميه وحريه وكل واحد بياخد حقه وبمنتهي الاحترام المتبادل وحقي بقي عندى الشجاعة انى أطالب بيه ومن غير لا خوف ولا غيره

خدت بعضي بعدها وطلعت على الزقازيق - ماهو بقي كل حاجة بقت جديدة - وكان لازم أروح أجيب البطاقه الجديدة (بطاقه الرقم القومي)

وروحت أجيبها جبتها بكل احترام بابتسامة وبأدب

وطول ماانا ماشيه فى الزقازيق شايفه حواليا الدبابات

وانا راكبه المواصلات شايفه الدبابات والجيش من حواليا فى كل حتة

كل ماأبص للجنود غصب عنى لازم أبتسم وكان نفسي لو ينفع اسلم على واحد واحد وأشكرهم على أخلاقهم ووجودهم ومجهودهم وكان ردهم عليا بإبتسامة جميلة تحمل الأمن والأمان فى البلد

وانا ماشيه شوفت بنوتة حلوة ولذيذة وصغنونة واقفه مع مامتها واخواتها لاقيت البنوتة بتبصلي وبتضحكلي لوحدها وابتسامتها كانت جميلة أوووى ومن نفسها بتبتسم لي

إبتسامتها ديه اللى أكدت لي ان النهاردة وبكرة واللى جاى كله ان شاء الله أجمل وأفضل والأمل كبير

عرفت ان اللى عملوا الشباب الجميل واللى استشهدوا واللى اتصابوا واللى وقفوا وقالوا للظلم والفساد لأ هيبقي فى مصلحة البنوتة الحلوة هى وكل اللى زيها

فرحت ان مستقبل طفلة زى ديه ابتسامتها على وشها هتفضل الابتسامة ديه على طول بإذن الله

فهمت وعرفت وفرحت بالتغيير وبالحريه وبالأمل والتجديد وتحسين وإصلاح البلد وتحويلها لأفضل بلد ان شاء الله يطلع منها مواهب تنافس عالميا

كنت فى قمة سعادتى بجد النهاردة

إحساس بالحريه والحب والأمان

ماشيه بكل ثقة من غير لا خوف ولا قلق

كنت حاسة بأن النهاردة أحسن من امبارح وأجمل وأفضل

ركبت وروحت البيت وانا سعيدة وفرحانة

إحساس مختلف وجديد بيوم جديد وإبتسامة جديدة وجميلة ومختلفه

أنا طلعت بره الشااااااااااااااااااااااشه

2011-02-05T02:43:00.007-08:00

آآآآآآآه

يآآآآآآآنى

آآآآآي

ايه فيه ايه اللى جرالك بتتوجع من ايه ؟؟؟

اصلي تعبت وراجعين بيلوموا عليا

يعنى يلوموا على التعبان ولا على اللى تعبوه

ليه بس ايه اللى حصل ؟؟؟

هاحكيلك من الأول

روحت لهم وقولت اشتكيلهم ....

هما مين دول يابنى ؟؟؟؟

ناس ياحاج كده كلنا عارفينهم

خبطت على بابهم محدش سمعنى خبطت جامد لحد ما فتحولي وأول ما شافونى ....

اكيد خدوك بالحضن

ههههههههه لا ده ادونى على دماغي والباب اللى فاتحوه طراااااااااااخ فى وشي

صدمونى وخلونى مش عارف اعمل ايه

رجعت وانا زعلان ومضايق حاسس ان كرامتى اتهانت

قولت وايه يعنى مش لازم أيأس وهحاول تانى يمكن يسمعونى المرة ديه

روحت وخبطت تانى وبكل ما فيا اقعدت اخبط بس طبعا أصول الزياره كنت متبعها

اصلي متربي وعارف الصح من الغلط

أكيد المرة ديه عرفوا غلطهم واستقبلوك كويس

اه طبعا طبعا استقبال ايه مش عاوز اقولك كان اجدع من الاستقبال اللى فات

مقولكش بقي على الطراااااااااخ التانى اللى اخدته فى وشى وعلى دماغي

كانوا متواصيين بيه عن المرة اللى فاتت كمان

طيب وعملت ايه يابنى ؟؟؟

هاعمل ايه العمل عمل ربنا

زعلت واتقهرت وكنت هاموت نفسي قولت لتر جاز واخلص بقي

بس قولت اصبر ربنا موجود ومبيرضاش بالظلم

اقعدت اكتم فى نفسي واكتم وكل مااجى انطق يخرسونى ويرجعونى مكسور الخاطر

قولت وماله بكرة الامل جاى هنطق هتكلم هطلع اللى جوايا وأخد حقي وأرجع كرامتى

وبعدين ايه اللى حصل بعد كده ؟؟؟

اللى حصل هو اللى بيحصل للناس كلها ياحاج

عملت زى ما ناس كتير عملت قعدت على الشاشة اللى فى بيتنا اقعدت اكتب اتكلم اطلع اللى جوايا فى سطور حتى السطور كانوا بيصدروها

جم وكتمونى وقالولى لو محترمتش نفسك احنا هنعرف ازاى نخليك تحترمها يا ........... تييييييت

سكت وانكتمت

بس القوى فيه الاقوي منه

كان نفسي يسألونى يقولولي ايه اللى مزعلك

انا مؤدب وابن ناس ومكنتش هاقول غير الحق ومبحبش اتبلي على حد

يعنى كنت هتقولهم ايه ؟؟؟؟

كنت هاقولهم الدنيا تمام ومفيش حاجة بتحصل

لا فيه رشاوى

ولا فيه وسايط

لا فيه سرقه ولا نهب

لافيه تخريب ولا تزوير

مفيش حاجة اسمها اخد على قفايا واسكت

مفيش هجرة غير شرعيه عشان مزهقتش من البلد

مفيش بطاله والشغل فى كل حتة واللحمة ب7 جنيه

مفيش غرق عباره

مفيش حرق قطارات

مفيش تعذيب فى الاقسام

ده حتى كمان فيه تعليم تمام وفله

فيه مواصلات كفايه

فيه تأمين اجتماعي وصحى لكل مواطن

مفيش حد عيان

ومفيش حد عنده سرطانات ولا فشل كلوى

ده حتى مفيش غلابه ولا فقرا والناس كلها بقت غنيه

فيه ازدهار فى الصناعه والزراعة

بمناسبه الزراعة ده حتى القمح مش مسرطن خالص اسال الفلاحين كده هيقولك العيشة معدن والحياة فل الفل

حتى الطماطم موصلتش ل 12 جنيه ولا كان فيه مشاكل على انابيب الغاز

ولا كان فيه ازمة فى السكر ولا فى الزيت

حتى الناس ماشيه بتكلم نفسها .. لالا يابيه دول ببيكلموا نفسهم من كتر الرفاهيه والعز الى عايشين فيه

بمناسبه عز .. عم احمد عز ده راجل فله والبلد بصراحة بلده واحنا نغور فى داهيه

والدنيا ظايطة وآخر حلاوة وبنأكل الشهد

ده انا حتى مكنتش عاوز غير انى اوريك رغيف العيش اللى مفيهوش ولا مسمار ولا اى حاجة من الحاجات الوحشة ديه

اللى يقولك كده قوله يانصاب ياكداب

وشوف بنفسك حتى الناس خلاص كلهم بقي معاهم عربيات موديل 2020 وموبيلات مقولكش

وللا الفيلل والشاليهات

بقولك ايه انا عاوز امشي جنب الحيط .. جنب ايه ده انا ماشي جواه ياعم وساكت انا مالي انا باللي بيحصل خلينى فى حالي اعيش النهاردة ومش مهم بكرة

خلينى بس ادور على العيش اللى بمساميره اهه احسن ماانا مش لاقي خالص

طيب يابنى ده انت طلعت مؤدب ومش منافق اهه خالص وماشي فى الحيطة

مال بتتوجع من ايه؟؟؟

ايه اللى تعبك ؟؟؟

ايه ده هو انا مقولتلكش

مش انا طلعت بره الشاشة

شاشة ايه يابنى كف الله الشر انت اتجننت؟؟؟

لا ياعم انا اتجننت ايه ماهو انا كنت جوة الشاشة ومبتكلمش غير عن طريق الشاشة

ده حتى كانوا بيقولو عليا انا جيل تامورة وماليش غير فى البتنجان وعيل تافه

دول كانوا فاكرينى فى البلاله وآخري اتحزم وارقص

امال انت طلعت ايه يابنى ؟؟؟

ماانا قولتلك طلعت بره الشاشة لاقيت اللى كسر الخوف جوايا وقالى تعالي معايا

اصلي لاقيت اللى يشجعنى انى اغير الواقع وروحت معاهم

لاقيت اللى مكتوم ومش عارف يتكلم

ده مطلعتش انا لوحدى اللى خايف ومشي جوة الحيط

ناس كتير لاقيتها طلعت معايا من جوة الحيطة وقالت انا كمان هاروح معاك أغير الواقع

مكنتش لوحدى كنا كتير

ده حتى من كترهم مبقتش عارف احمد من اسماعيل من مينا ولا حتى عارف مين بيشجع الزمالك ولا مين مع الاهلي

كلنا روحنا نغير الواقع

وأخيرا صرخت بأعلي صوتى وقولت "انا خرجت بره الشااااااااااااااااااااااااااشه" 0

ايوة ايوة يبقي انت اللى شوفته اضرب بالعصايه فى التلفزيون وخد قنبلتين فى وشه

وكام رصاصه مطاطيه كده على الماشي فى جسمه

يبقي انت عشان كده بتتوجع وتعبان معلش يابنى ....

لالالا خالص بالعكس ده كله موجعنيش ولا ألمنى ولا آثر فيا ده بالعكس قوانى وخلانى اعرف يعنى ايه مسئوليه

يبقي ياعينى زعلان وبتتوجع على صاحبك اللى كان واقف جنبك وعربيه جت من وراه دهسته ورصاص من الامن فرتكته وقنبله منتهية الصلاحيه دمرته

لالالالا خالص انا مش زعلان على صاحبي اللى هو اغلي من عمرى لان حقه هجيبه مش هاسيبه يروح غدر

ولا هسكت على حقه

وبعدين الحريه تمنها غالي لازم نموت ونضحى ولازم افقد حاجات غاليه على قلبي عشان الحرية لما تيجى اقدر احافظ عليها

كرامتى لما احس بيها ابقي عارف قيمتها ومضيعهاش

فلوسي لما تبقي فى جيبي مش هسيب الحرامية يسرقوها وانا عارف ومغمى عنيا

اصلي ساعتها مش هابقي خايف ولا حد ماسك عليا ذلة

ولا حد هيهددنى بقطع عيشي ولا يتحكم فيا

حيرتنى يابنى امال ايه اللى وجعك ومخليك عمال تتألم وآآه ويأأنى وآآآي

لما كل ده مش واجعك امال ايه اللى واجعك بس

اللى واجعنى ان حبي لبلدى وخوفي عليها وطلوعى بره الشاشة بيتهمونى انى عميل ياحج

بيقولولي انت كلت من كنتاكى وعشان كده انت لسه قاعد

ده علىاساس ان كنتاكى اكله ببلاش وعم كنتاكى فلوسه كتير

ده حتى أكله وحش جدا مش من حلاوته يعنى :)

والكام دولار اللى بيقولوا انى خدتهم ... ياحسرة عليكى يابلدى لما اهل بلدي يتهمونى انى عميل وخاين وببيع بلدى عشان كام دولار ميسووش جنب الحريه حاجة

ضحيت باصحابي وضحيت بدمهم ودمى اللى غرق الدنيا عشان ابقي عميل واخد دولارات

اخص عليكم ياأهل بلدى

وكمان مش عاجبكم انى لسه بتظاهر وقعاد بطالب بحقي

يعنى لا اترحمت منهم ولا من شرهم كمان

طيب يابنى ما صحيح ما تلم نفسك بقي انت وشوية العيال التافهيين اللى معاك دول وروحوا بيتكم مش خلصتم لعب خلاص مع الدبابات والرشاشات

كفاية بقي روحوا عشان نشوف مصالحنا وبعدين اهه اللى نعرفه احسن من اللى منعرفوش والرجل عمل كتير ومبخلش عليكم

حالنا واقف الله يوقف حالكم

X-(

روح ياحاج الله يخليك شوف لقمة العيش بتاعة النهاردة وخليك باصص تحت رجليك ودور على ازاى تاكل النهاردة وبس

متبصش على بكرة ياعم

انت عشت كتير وكنت راضي وساكت وكاتم صوتك سبنى بقي اعيش واطالب بحياة كريمة

انت قبلت على نفسك اللى الشعب قابل بيه بقالهم سنين

سبنى انا والشباب نتظاهر وروح شوف مصالحك ومتلومنيش انا

لوموا نفسكم الاول ولوم الحكومة اللى موقفه حال الشعب

لوم اللى سرق ونهب وخرب وزور

لوم اللى غرق وحرق

لوم اللى خد فى جيبه وهرب

لوم اللى مرضيوش يسمعوا وقفلوا الباب فى وشي

لوم خوفك وضعفك

لوم جبنك وصمتك

لوم الحيطة اللى استخبيتوا وخبتونا فيها

لوم نفسك متلومنيش عشان عاوز حريه

سبنى فى حالي وفى الوجع اللى فيا انا مش ناقص الله يخليك

وعلى رأي جيفار " الثورة يصنعها الشرفاء ويرثها الأوغاد" 000

وسلملي على تامورة وعلى الشاشة اللى فى البيت اللى انا خرجت براها

يوم جمعه حب الاسلام وأجراس الكنائس :)

2011-01-07T02:23:00.007-08:00

يوما ليس كأي يوم

وليس ككل يوم

انه يوم ملئ بالحب

ملئ بالمشاعر الصادقة

والقبلات والأحضان الدافئة

يوما فريد وليس مثله أي يوم فى تارخنا وحياتنا

انه يوم لأسرة واحدة جمعتها سماء وأرض ونيل واحد

أسرة لا فرق بين أفرادها الكبير والصغير كلهم سواسية

فهو يوم من أجمل الأيام التى عشناها

والتى شعرت فيها وبها بحب نابع من قلوب صادقة ويصب فى قلوب أصدق

عندها شعرت بمعنى وطن واحد وقلب رجل واحد

شعرت بدفأ لم أشعر به من قبل

فهو يوم من أجمل أيامى بين أخوتى وأخوانى

يوم جمعته أجراس الكنيسة وحب االاسلام وصورة الإسلام الحقيقي

أحيي كل من شارك فى هذا اليوم الجميل

وأحي كل من استقبلنا بتحية وحب وترحيب

أحيي بلدى وأهلي الأقباط والمسلمين

فهذه هى بلدي التى تمنيت أن اراها منذ ولدت وكما سمعت عنها من كل من حولي ان مصر سابقا هى مصر واحدة لا فرق بيننا

فلا يهمنا دينك ولا دينى المهم انى مصري

وستظلي يامصر واحد لا فرق بيننا ولا شئ سيفرقنا أبدااا

مش مهم دينك ايه كفاية انك مصري بجد

فلنتعلم قيمة الأشياء :)

2011-01-05T13:33:00.004-08:00

عند فقدان أشياء كثيره

قد تري هذه الأشياء فى عالمك ولكنها مفقودة

عندما تبعد كثيرا وتبعد الى ان تصل للحافة وعندها تدرك أنك على وشك الوقوع فيها

بالبعد أحيانا نقترب ممن نحب

وبالقرب أحيانا بنبتعد كثيرا عمن نحب أيضا

وبالبعد قد يريح كثيرا

وبالقرب قد يتعب أكثر

بالقرب قد نخسر كثيرا

وبالبعد قد نكسب أكثر

قد نقترب من أشياء قد تبعدنا عن أشياء أحببنا أن نقترب منها

وأحيانا قد نبتعد من أشياء قد تقربنا مما أردنا الابتعاد عنه

نختلف فى الكثير والكثير من حياتنا ولكن الاختلاف أحيانا يفيدنا وأحيانا آخري يضرنا

نتأثر بأشياء صغيره ولكنها قد تترك أثر قد يكون كبير

وأشياء كبيرة قد لا تأثر علينا بأي شكل من الأشكال

قد نلوح لأشياء مهمة ذهبت من حياتنا ولكنها ذهبت

ونبكي عند ذهابها لانها ذهبت بدون رضانا

وقد نتمسك بأشياء باقية وهى فى الاصل لا تستحق البقاء سوى لأغراض قد تمحى وتنتهي

وسنظل فى هذا الصراع الذي نحاول جاهدين فيه ان نصل لأي شئ يرضينا ويفرحنا ويجعلنا سعداء او يجعلنا راضيين

ولكنننا لا نرضي عن شئ

شكرا :)

2011-01-04T11:03:00.004-08:00

ناس كتير لما بتبعد وتفارق سواء بالحياة أو بالموت بتفرق معانا كتير لان الناس ديه فعلا بتسيب علامة فى حياتنا وبتأثر فينا وأكيد التأثير ده بيبقي بالإيجاب عشان كده لما بيفارقونا لظروف فى الحياه مثلا بتحس انك فقدت شئ مهم جدا فى حياتك

ولأن الناس ديه بتبقي مهمة فى حياتك فعلا بتحس ان فيه حاجات كتير بتضيع منك بتزعل وبتحس بوجع جامد فى حياتك بفارقهم وببعدهم

لان الحياة ماهى الا شوية ناس بتعرفهم وتحبهم وتتعامل معاهم وتتعلم منهم وتعلمهم وتتعايشوا سوا ويبقوا هما أساس الحياة بالنسبالك وأنت أساس الحياة بالنسبالهم

بتأثر فيهم أو بيأثروا فيك

كتير بنقابل ناس لمجرد فترة صغيرة لكن تأثيرهم بيفضل طول العمر وعمرك ما هتنساه وممكن تبقي الفترة طويلة وأهم فترة فى حياتك وبتأثر برضه فيك بالإيجاب

وفيه ناس بتندم على اليوم الأسود اللى عرفتهم فيه وانك سمحت انهم يأخدوا جزء من حياتك

لان الناس ديه بتبقي تأثيرها بالسلب على حياتك وعمرك ما هتقدر تستفيد منهم لأنهم بيضروك وبس

ولان وجودهم كان زى عدمه

بالنسبالك الناس ديه بتبقي ماتت على الرغم انهم لسه عايشين بس انت بتحس انهم ماتوا ومش فارقين معاك

هنعيش قد ما هنعيش وهنتعلم قد ما هنتعلم وهنشوف قد ما هنشوف بس لازم نتعلم من كل شخص يعدى فى حياتنا

يمكن يكون عدى زى البرق لكن علم علامة حلوة اوى فى حياتنا ويمكن يكون عدى فى حياتى وطول شوية والعلامة اللى سابها حلوة ويمكن عدى فى حياتى لكنه أزعجنى بوجوده فيها لكن أتعلمت أكيد برضه

شكرا لكل من علم فى حياتى بالإيجاب وبالسلب

شكرا لكل من أثروا فيا وفرحت بوجودهم

سنة سعـيـ ـ ـ ـ الإرسال بيقطع

2011-01-01T13:31:00.004-08:00

1/1/2011

أول يوم فى السنة الجديدة

كان بودي أقولكم كل سنة وأنتم طيبين وحلوين وسنة سعيـ ـ ـ ـ أووووب ايه اللى قطع كلامى بس وخلاه نص إرسال

الإرسال راح فين ياجماعة بس

ايه ؟؟ بتقول ايه ؟؟

حصل ايه ؟؟

الارسااااااااااااااااال يابشر

عاوزين نقول كل سنة وأنتم طيـ ـ ـ ـ صوتى راح فين الكلمة طارت على فين .. آآي ياقلبي .. قلبي واجعنى كده ليه

فيه ايه حد يفهمنى ويقولي هو أنا ايه اللى جري لي النهاردة

أتااااري فيه ناس عاوزين يبوظوا بلدنا ويخربوها بوظوا علينا فرحتنا ووحدتنا

لألألأ متقولوش كده

ازاى تكسروا وحدتنا

وحدتنا مبنية من سنين كتيييييييير ولا حد يقدر يفرق بينا ولا يوقع بينى وبين أصحابي عشان هما مسيحيين

من إمتى واحنا فيه بينا إختلاف فى الدين ولا بنسأل أصلا أنت ديانتك ايه

كلنا واحد من يوم ما أتولدنا واحنا على طول أصحاب إيد واحدة وكلنا بنحب بعض

مش هنسمح ان حد من برة بلدنا يوقع بينا

ولا يزرع بينا نار وأشواك

نفسي أعيش فى بلدي من غير ما أحس بخوف

وأعيش فيها زى ما ربنا عزوجل قال "أدخلوها بسلام آآمنين " وأحسن بالأمان زى ما زمان كانوا حاسيين بيها

نفسي أعيش فى أيام أكتوبر 73 وازاى كم التسامح والحب اللى كان بين المسلم والمسيحى

مكنش فيه فرق بينهم

أنا مصري (مسلم +مسيحى) أنا ضد الإرهاب

بلدي هحميكى وهأفديكى مهما حصل

مش هأسمح لحد يكسرنا ولا يفرقنا ولا يبعدنا عن بعض

مش هأقبل أن بلدنا تكون بلدين ولا عنصرين مختلفين

مش هأقبل نكون زى العراق ولبنان وقريبا السودان

مش هأقبل يبقي فيه دم وقتل وخراب ودمار وحزن

مش هأقبل غير انى أحميكى يابلدى وأحافظ عليكى

ثق فى الله وخليك متفائل

2010-12-30T14:34:00.006-08:00

كتير بنلاقي حاجات مش على مزاجنا

ولما ندور على اللى احنا عاوزينه مش بنلاقيه

وحاجات لما بتبقي قدامنا مش بنرضي عنها

بمجرد انها تروح بنبقي عاوزنها

حاجات مهمة نتمنى انها تحصل ولو محصلتش بنزعل مع ان ده مصلحة لينا

وخير مهواش شر

ليه دايما بنبص للحاجة الى محصلتش واللى كنا نفسنا انها تحصل على انها أسوأ شئ فى الدنيا

ونبص على الحاجة اللى حصلت ومكناش عاوزنها تحصل على انها برضه أسوأ شئ فى الدنيا

وليه لما مبنعرفش نحقق احلامنا بنزعل ونقول ياريت اللى جري ما كان

دايما مش عارفين نرضي نفسنا ومش عارفين نوصل للي يرضينا ازاى

وكل ما ندور نلاقي الحاجة اللى مش عاوزنها اصلا

وجنبها الحاجة اللى احنا مش عاوزنها بس بتبقي هى الخير لينا والأفضل فى معظم الاحوال

دايما بندور على حاجات أختفت او ممكن تختفي ووجودها مش مصلحة

أحلامنا بتلف حوالينا ده لو حلمنا

والاحلام ممكن تبقي حقيقة

وممكن نحلم حلم واسع شوية منعرفش نحققه لانه ممكن يبقي خيال

والخيال مطلوب

عشان ندى لنفسنا طاقة ومجهود

خليك متفائل عشان تقدر تكمل حلمك وتحققه

وعشان تخلي الخيال واقع وتحققه

وتخلي حياتك أفضل وتحقق كل اللى أتمنيته

إبتسم للدنيا وإضحك لها

الضحكة هتنسيك كل اللى فات وانت مكشر وزعلان

خايف من بكرة ليه واحنا فى ايدينا نخلي بكرة والنهاردة أحسن من تصورك وتخيلك

ليه بنفكر ونتعب نفسنا واحنا ممكن نعيشها ببساطة

البساطة مفيش أفضل منها

هدوء وراحة بال

انعزال عن التشاؤم والاكتئاب

متبصش على الشئ السئ

بص دايما على الشئ الجميل اللى كله خير

وكل مرة نبص عليها هتلاقي ربنا سايبلك علامة

ربنا دايما بيقف جنبنا وبيساعدنا على اننا نكون افضل

ربنا بيبعت لنا كل حاجة حلوة عشان هو ربنا الكريم الرحيم الحليم

ثق فى الله وقول يارب نفسي فى رضاك

نفسي فى حبك وعفوك يارب

يارب أحقق حلمي

ليه واخد الدنيا على أعصابك ومش عارف توصل لحل

مع ان الحل فى ايدينا

وكل مرة تفكر وتتعب نفسك هتلاقي الحل موجود وسهل وأفضل حل

ثق فى الله وقول يارب عيشها ببساطة وإتفائل باللى جاي

اتعلم من اللى فات ومتندمش عليه

اتعلم من اصدقائك وحبايبك وأقرب الناس ليك

اللى كانوا فى حياتك واللى لسه موجودين واللى لسه بتعرفهم وهتعرفهم

اتعلم من كل حاجة مرت عليك

متندمش على حب عشته ولا على صديق سابك وناسيك ولا على قريب انت هونت عليه

متندمش على حاجات حلوة كانت فى حياتك وخدعتك بحلاوتها

متندمش على حاجات كتير ممكن تحصل او حصلت وانت عايش فيها او ممكن تبعد عنهاا

ازاى هنقدر نتعلم واحنا زعلانين ومش قادرين نفرح

ازاى هنتعلم من أشياء كتيرة فى حياتنا لا لها اول من آخر واحنا مش عاوزين نتعلم منها

ازاى مش هنوقع فى الغلط اللى وقعنا فيه قبل كده واحنا اصلا متعلمناش من القديم

كل حاجة فى ايدك بس انت تعرف تديرها كويس وتتعلم منها

شكرا لكل حد ساب علامة فى حياتى

ومش ندمانة على معرفتى لاى حد بالعكس مبسوطة عشان اتعلمت من كل حد حاجة حتى لو كانت الحاجة ديه وحشة

انا اتلعمت ازاى معملهاش عشان مزعلش حد منى

عرفت ازاى الحاجة الوحشة بتأثر فى نفوسنا وبتأثر علينا وبتزعلنا

فقررت معملهاش فى اى حد على قد ماأقدر

ازاى هنعيش فى الدنيا واحنا مش عارفين ازاى نتعلم ولا عارفين ازاى نشوف حياتنا الصح منها والغلط

اتعلم من اللى فات .. أعرف الصح من الغلط ... وكون صداقات جديدة .. اتعلم من حياتك ومن حياة الآخرين

هى ديه الحياة الصح

كل سنة وأنتى طيبة يامدونتى :)

2010-12-24T00:05:00.000-08:00

السلام عليكم ورحمة الله وبركاته

مدونتى حبيبتى

النهاردة 25-12

انا فاكرة التاريخ ده .. وأكيد أنتى كمان فاكراه

اليوم ده هو عيد ميلاد مدونتى حبيبتى

بقي عندها دلوقتى 4 سنين

كل سنة بتمر وبيجى التاريخ ده بفتكر حاجات كتير حلوة واحيانا حاجات مش حلوة

بشوف ان الدنيا كانت ساعات بتبقي حلوة وساعات أكتر مش حلوة

بفتكر بدايتى فى التدوين وازاى كنت بكتب برغبه كبيرة فى الكتابه عشان كنت بحب أكتب وأعبر وأقول

بفتكر حاجات كتير كنت بزعل انها حصلت وكنت بكتب عنها فى مدونتى

وحاجات كتير كانت بتفرحنى وبفرح ان مدونتى مشركانى فيها

ذكريات كتير كانت ويمكن تبقي ويمكن لأ

وكل سنة بجي فى نفس اليوم وأقول لمدونتى شكرا على انك سمعتينى وعلى انك الوحيدة اللى لسه بتقبلي انى أكتب فيكى

وانك مش زعلتى منى لانى أهملت فى حقك ومبقتش أكتب زى الاول فيكى

بقالي كتير مبكتبش زى الاول وبجد الكتابة وحشتنى جدا

ونفسي أرجع أكتب وأعبر عن حاجات كتير جوايا مخنوقة ومش عاوزة تطلع

حاجات بتتخنق جوايا من قبل ما أعرف أطلعها

ومبقتش بعرف أعبر عنها زى الاول

ويمكن بقيت برفض حاجات كتير فى حياتى اولها الكتابه

وحاجات أكتر برفضها ومبقتش أتقبلها زى الاول

مدونتى حبيبتى عاوزة أقولك كل سنة وأنتى طيبة ياحبيبتى ياللى بتسمعينى دايما وبتقبلينى فى اى وقت

مهما أغيب وأغيب برجعلك تانى

كل سنة وانتى بخيييييييير وكل سنة وأنتى معايا

هذا أم ذاك ؟؟

2010-12-11T02:23:00.006-08:00

دائما ما نجد أنفسنا ما بين هذا وذاك

ولا تدرى ان كنت فعلا تريد هذا ام ذاك

فقد تجد نفسك بين شئ لا تعرف ان كان هو الانسب لك ام هو الاسوأ فى كل الأحوال

نحتار بين اشياء كثيرة ومن المفترض ان نكون نعلم الاشياء الصحيحة كلها

لا نريد ان نجد أنفسنا فى اللاشئ واللا وجود

بين كل هذا نعرف اننا لا نأخذ أكثر ما كتبه الله لنا

ونحن ندرى ان نصيبنا هو ما سٌطر لنا فى صفحات قد جف فيها الحبر

ولكننا نريد ان نحير أنفسنا بأشياء كثيرة

هذه هى الحياة حيرة وما أكبرها من حيرة

قلوبنا تنبض وهى ميتة
أعيننا تنظر وهى كفيفة
أحيانا نريد ان نٌبصر للحقيقة ولكنها تغيب عنا
وأحيانا آخري نريد ان نعرف ما يريده قلبنا ولكن القلب مغلق لا يريد ان يعرف ماهى الحقيقة

دائما ما نبحث عن اشياء كثيرة
ولكن هذه الاشياء دائما ما تكون فى غيابات لا تخرج الا بعد فوات الآوان
دائما نتوهم أشياء غير موجودة لمجرد شعورنا بالاحتياج اليها
واحيانا لا نهتم بأشياء قد تكون موجودة لاننا لا ننظر اليها ونكف بصرنا عنها

دائما نضع أنفسنا فى حيرة
الحيرة قد تملئ حياتنا
وحياتنا بها الكثير والكثير
وهذا الكثير قد يثقل همومنا
وهمومنا لا تريد ان تزيد عن الحد المطلوب
لان الحد المطلوب قد يفجر بداخلنا آلام لا نريدها

قد ننظر للأشياء بأعيننا ولكننا لا نريد ان نسمع صوتها فنصم آذاننا عنها

ماهذه الحيرة؟؟

قلب مغلق
عين كفيفة
آذان صماء

اذاً لا بد ان نتكلم ونصرخ ونخرج ما بداخلنا لكى نستريح

ولكن حتى الصراخ لا يفيد فأن أصواتنا مخنوقة لا نعرف مابها لكنها لا تنطلق

حقا انها حيرة نضع أنفسنا فيها

الحياة ماهى الا ....
ايمان بوجود قضاء وقدر
ونصيب لا نستعجل عليه
وماهى الا حب لله
وثقة ويقين بان الله عزوجل لا يصيبنا بمكروه لاننا عباده

رحمته قد تفوق كل شئ
وقدرته أعلي من اى شئ
مغفرته قد تعلونا قبل ان ننطق باي شئ

كن مع الله ولا تبالي

وثق فى الله .. فالله وحده من يريد مصلحة عباده

لا تنظر للعباد بل أنظر لرب العباد

ثقتى بك ياالله قد تفوق اى حيرة وضعت نفسي بها أو وضعتنى بها الدنيا

عام هجري جديد

2010-12-07T03:53:00.004-08:00

عام هجري جديد

يارب يكون كله رضا من ربنا علينا وعلى كل الأمة الاسلامية

كل سنة وكلكم بألف خييييييير

ياتصوت ياهيصوتوا عليك :((

2010-11-27T15:22:00.003-08:00

انت عايش ؟؟

ايه ده انت ميت ؟؟

انت فين بالظبط ؟؟

اممممممممممممممم

انا بقي ياعم هنا فى مصر وموجودة وعايشة

وهأروح بكرة أصوت فى الانتخابات

ايون ان شا الله هاروح أصوت أوأبطل صوتى

مش هسيب حد يسرق صوتى ولا حد يصوت مكانى

ولا هأسمح لحد يصوت عليا

ايووووووون اللى اسيبله صوتى يبقي كده صوت عليا

هاروح أنتخب أو أبطل صوتى

وانت ايه رأيك ؟؟

هتصوت ولا هيصوتوا علييييييييك

العيد فرحة مااااااااء :)))

2010-11-15T13:09:00.003-08:00

عيد عيييييييد عيييييييييييييد سعيد يااااااارب علينا كلنا

العيد فرحة ماء ماء

العيد جه احمدك يااااارب

كل سنة وأنتم طيبين وبخيييير يارب وكل الناس الحلوة الطعمة المقطقطة بخير وفل الفل يااااااارب

كل سنة وكلكم بألف خيييييير ياحبايب قلبي ياعساسيل

وان شاء الله السنة الجاية نكون مع بعض على عرفة

قولوا آآآآآآآآآمين

وعيد وخروف سعيد وثمييييين يارب

متكتروش من اللحمة عشان دماغكم مش تتربس

واوعوا حد يوزا الشيطان ويقولوا ميبعتليش العيدية

عشان اللى مش هيبعت العيدية يبقي ذنبوا على جنبوا

وقد أعذر من أنذر

عملت اللى عليا والباقي عليكم

:))))

كل سنة وأنتم طيبيييييييين

دور ماشي فى البلد على الكل

2010-10-19T11:36:00.004-08:00

معرفش ليه ولا ايه السبب

بس شكلى داخلة على دور اكتئاب او دور رخامة مع نفسي

طالبة معايا كده اليومين دول

ربنا يفكها من عنده ويفرجها علينا يااااارب

يعنى ايه الديمقراطية اللى بيقولوا عليها ديه؟؟؟

2010-10-16T03:48:00.004-08:00

يعنى ايه سياسة وليه نتكلم فى السياسة ؟؟؟

ديه حتى بقت مضرة بالصحة ومضرة بالأمن العام

ليه نتكلم فيها وليه ندخل نفسنا فيها

ده حتى اللى بيتكلموا فيها دول ناس وحشين

آآآآآآآه ياانى من اللى يبحصل فى البلد

بجد الواحد مبقاش عارف يعمل ايه

لا سياسة عارفين نتكلم فيها

وخدمة رسايل لازم تعدى على الحكومة تراجعها

ورئيس تحرير يقال من الجريدة عشان بيتكلم بنص حرية وللا بيعبر عن حقيقة

وفيس بوك أوشك على القفل عشان الحكومة عاوزة كده

ومواقع متراقبة

ومينفعش نتكلم فى السياسة

أصل لو اتكلمنا يبقي احنا ناس عاقيين للحكومة وناس وحشين

نبقي كده خارجين عن القانون

ونتسحل ونضرب ونشوف أبشع المعاملات

ويقولوا فيه حرية وديمقراطية !!!!!!!!

سلااااااامات ياحرية طيبووووون ياديمقراطية

يعنى ايه حرية ؟؟ وهى ايه الديمقراطية ؟؟؟

هى هى المفاهيم موجودة كل ما يمر بينا الزمن نفس المفاهيم موجودة بس أكيييد المعنى بيختلف

فيه ديمقراطية مش هأقول لأ

بس ديمقراطية مزيفة ومقنعة

ديمقراطية على مزاج الكبار

ماشية على هواهم وفى ايديهم

(فى ايد الحكومة يعنى)

يعنى ايه اتكلم فى السياسة وبعديها اخاف وأكش أسحن أمن الدولة يجوا ياخدونى ويرمونى فى المعتقل

ازاى انا عايشة فى الحرية وفيف عصر النجمة الذهبية وانا خايفة اقول وانطق

أحسن الحكومة تسمعنى وترمينى فى آخر الدنيا

ازاى الريس وابنه يقولوا اننا عايشين فى تقدم وازدهار وعايشين فى رخاء اجتماعي واقتصادى

وانا بشوف ملايين مش لاقيين يأكلوا

وبيكملوا أكلهم من الزبالة ... ومش لاقيين يلبسوا .. ولا حتى لاقيين الغطا فى عز البرد

ازاى أصدق ان الدنيا حلوة والجو ربيع وقفلي على كل المواضيع

وانا مش عارفة أتحرك واتكلم وعمالة أقول وأنامالى خلينى فى حالي أحسن

ازاى عاوزنى اوافق على جمال يبقي هو الريس وانا مشفتش من ابوه حاجة حلوة اصلا

وهيبقي هذا الشبل من ذاك الأسد

يعنى خربانة خربانة

ازاى عاوزنى أصدق ان احنا ممكن نتحرك ونعبر عن رأينا

واحنا يدوبك اللى يتكلم ويقول بم يلاقي نفسه فى ستين بمبم

ونقول عليه يارحمن يارحيم ويلا عشان ندفنه

هى فين الحرية والديمقراطية ديه ؟؟؟

أنا نسيت هى ايه الديمقراطية

ومش عارفة ليه الواحد خايف يقول ويعبر احسن حد يسمعنا ولا يشوفنا ونروح فى ستين الف داهية

هو احنا هيويدنا فى داهية غير اللى احنا ساكتين عليه وكل واحد يبقول وأنا مالي

خلينى ماشي جنب الحيطة

خلينى أربي العيال

خلينى فى حالي أحسن انا بنت ومش حمل بهدلة

خلينى أشوف مستقبلي انا شاب عاوز أكون نفسي وأعيش حياتى فى هدوء

خلينى أسكت أحسن وخلينا كلنا نسكت لحد ما هنروح كلنا فى ستين ألف مليون داهية

علينا وعلى سنينا المنيلة بستين نيلة

ياااااااااااااااااااااااااااااااااااارب رحمتك

إمضاء

عاشقة الوطن

اللى كان وطن ومبقاش زى ما كان

أمور حياتية (حوارات ولازم نعيشها)

2010-09-30T13:36:00.000-08:00

ربما نبدأ حياتنا بأشياء جديدة وربما بأشياء معتادة

ولكن ليس كل ما نقوم بعمله مستحب لدينا

قد نجد بعض الاشياء التى تقلقنا وتجهدنا فى بعض الاوقات

الدنيا وما فيها ماهى الا بعض التجارب التى لابد ان نعيشها ونتعايش معها

مواقف مختلفة عند تجميعها تتكون حياتنا التى نعيش فيها

ربما تكون هذه المواقف من حياتنا اليومية او من حياة الاخرين او من مواقف نمر بها وتمر بنا

فى الأغلب تكون هذه المواقف هى المحور الرئيسي لأمور كثيرة لدينا

ولكن فى الحقيقة نجد ان هذه الامور ماهى الا امور تافهة ليس بأهمية الاشياء الاخري

اى بمقارنتها بأخري تجدها مختلفة تماما عما سبق بكل الأحوال

حاليا نحاول التعايش مع هذه المواقف بغض النظر عن اهمتها او تفاهتها

كل منا يمر بأشياء كثيرة ومختلفة .. هذه الاشياء قد تقوينا او تضعفنا او تجعلنا فى الوسط بين هذا وذاك

وما علينا الا اننا نحاول ان نجعل هذه المواقف تجعلنا اقوياء اكثر من الاول ونرضي بما وضعنا به وان نتعلم منه

لا نجعل هذه المواقف تأخذ من قوتنا ولا من حياتنا

ولكن نستمد ونأخذ منها كل قوتنا التى نريد ان نكتسبها لكي نقوي على استمرار حياتنا بكل شتى الطرق

قد نعيش او لا نعيش قد نستمر او نفشل قد نرحل قبل اتمام مانريد

ولكن ما علينا الا اخذ ماهو الصحيح فى حياتنا حتى نستطيع التعود على مانحن فيه

تعرضنا لمواقف ما قد يترك فى نفوسنا بعض الامور التى تؤثر علينا وتترك علامة ثابتة فى حياتنا لا تنتهى ولا تختفي

قد نتأثر ونحزن من أشخاص معينة منهم العزيز علينا ومنهم الذى لا يهمنا بشئ ومنهم من كان عزيز فى يوم من الايام واصبح مثله مثل كثيرين غيره

عادي ولا يؤثر ولا يتأثر

مواقف فى الحياة كثيرة منها مواقف تنتهي بمجرد انها مرت وانتهت

ومواقف اخري قد تفضل راسخة فى نفوسنا لا تنتهي الا بموت صاحبها

موقف قد يعرضك للاهانة من اشخاص لا تسوي فى الدنيا الا اشياء قليلة لا تذكر

وقد تعرضك للتقليل منك ومن شأنك من اشخاص لا فائدة منها

وانت فى الاصل أفضل من كل هؤلاء

وانت تعلم ذلك جيدا ولكن مضطر انك تستحمل وتصمت على كل هذا حتى لا تغضب آخرين منك

قد تتعرض لمواقف تضايقك وتحزن من اصحاب هذه المواقف وقد تؤثر فيك لمجرد ان من وضعك فى هذا الموقف هو شخص غالي وعزيز عليك او اصدقاء مقربين

من الممكن ان تستحمل وتصمت

وتكتم بداخلك مرة واثنين وثلاثة حتى تجد نفسك شخص تعود على مثل هذه المواقف ويصبح الأمر عادى بالنسبة لك

لا تؤثر ولا تتأثر

عادى

وتأخذ كل الامور عادية واعتيادية

قد نعيش فى بعض الاحيان ونحن مضطرون ان نعيش فى مثل هذه المواقف وان تتعايش معها وتعيش على قدر المستطاع

الدنيا بكل ما فيها -وفيها الكثير- لابد ان نعيشها ونتعايشها صح

من المواقف التى نعيشها ونتعايشها ولابد من تقبلها

ان تجد اشخاص قريبة منك اقرب من اى احد اخر قريبة منك قرب الهوا الذى نتنفسه ... تجدهم قد أصبحوا من أبعد الأشخاص التى لا تتخيل انهم فى مثل هذا البعد التى تجدهم فيه

ما الذى جعلهم هكذا وما الشئ الذى أبعدهم بدون ابداء اسباب

او بأسباب غير مصرحة وبدون سابق انذار

ونجد هؤلاء الاشخاص يتجهلونك عن قصد على الرغم ان هؤلاء هم ذاتهم محتاجينك اكثر من اى شخص اخر

وانك بالنسبة لهم الحياة

ولكن لا نعلم لماذا كلما حاولت الاقتراب منهم ابتعدوا اكثر واكثر

وكلما تنازلت عن الكثير لارضائهم وجدت نفسك تفعل ما لا يجب عليك فعله حتى انهم لا يقولوا لك فى النهاية كلمة شكرا على ما فعلت او حتى الاحساس بالامتنان من فعلك الكثير من اجلهم لا يبوحوا به لك ولا لغيرك

حتى عندما يشعروك بحبهم او الامتنان هذا قد يعودوا في هذا

قد يجدوا انه لا يصح ولا يجوز

بالتالي نجد ان بسبب هذا الجفاء تجد ان الجفاء أصبح متبادل بينك وبينهم

وهذا لا يجعلك متمسك بهم على الرغم من قربهم الشديد اليك سابقا ، ولكن حاليا قد أصبحوا أبعد ما يكونوا عنك بكل الطرق

وعند تذكر اى شئ من محاولتك للتقرب لهم تجد نفسك لا تريد ان تتذكر شيئا

ولكن لابد من قول الحقيقة اننا لابد من التعلم مما سبق فى كل أمور حياتنا

التعلم من الخبرات السابقة فى حياتنا التى نمر بها على مر اسنين التى نعيشها

التعلم مما سبق أهم بكثير من البكاء على ما فاتنا او على ما تغير او على حياة لا أمل فيها

التعلم هو ما يفيدنا فى كل امور حياتنا فيما بعد

ولكن لا يفيد البكاء على اللبن المسكوب ... كما قالوا فى المثل

ومن الامثال ما تفيد

ومن الخبرات ما قد يفيدنا اكثر

امور اخري قد نكتشفها فى حياتنا

هل نعلم اننا قد نتصطدم فى بعض الاشخاص التى نعيش معها وتعيش بيننا

قد نجد اننا لا نري الحقيقة الا بشكل مختلف تماما

قد نتعامل مع اشخاص لمدة سنوات ولكننا نكتشف هذه الاشخاص فى خلال ايام

قد نعرف عنهم الجديد والمصطدم الغريب احيانا فى مواقف صغيرة ولكن لا بد من التعلم من هؤلاء الاشخاص التى قد يكون لهم المبرر لمواقفهم واحيانا كثيرة لا نجد ما يبرر لهم ما قد يفعلوه

الكثير والكثير قد يمر بنا ونمر بها

لابد ان نري الصح والأصح وان نري الخطأ والأخطأ

نعيش فى كل هذه المواقف التى نستعجب احيانا اننا نتعايشها

ونستغرب ان يوجد الكثير من هؤلاء البشر

قد لا تكون بشر فقط ولكنها مواقف ايضا تجد نفسك فى مثل هذه المواقف وانت لا تعلم ماذا عليك ان تفعل

ولماذا انت وضعت فى هذا الموقف؟؟

وقد تجد الاجابة على اسئلتك ولكن تصبح الاجابة فى بعض الاحيان ليس لها مكان فى مخيلتك ولا فى حياتك

ولكن الاجابة التى تريد ان تجدها لا تجدها ابداا

ويصبح هذا الشئ امر مفروغ منه

وانك لابد ان تقبل به وترضي عنه

حياتنا قد تمتلئ بأشياء كثيرة علينا التعامل معها بشكل طبيعي وتقبلها كما هي

وقد نستطيع ان نغير هذه الاشياء لأشياء اخري أفضل وقد نغيرها لأشياء أسوا بمجرد تفكيرنا الغبي الذي لا يتغير

نستطيع ان نعيش وان نغير من واقعنا الذي نعيشه

هل تستطيع ان تغير من الواقع بنفسك

ممكن تغيره بنفسك وقد تريد ان يساعدك أحد على التغيير

تغيير الواقع

كل منا يريد تغيير حياته للافضل ان امكن

هى كده ؟؟؟

2010-09-21T14:39:00.002-08:00

كل ما الواحد بيحب يعدل حاجة بتبوظ ولما يحاول يعمل اللى عاوزه بتتنيل علي عنيها وبتبوظ اكتر

طيب وبعدين هنستمر على كده كتير ولا ايه

لما الدنيا بتبوظ كده هنسيبها بايظة ولا نحاول نعدلها

حتى لو الموضوع تافه وبسيط بس لازم منسبوش كده ومينفعش نسكت عليه كده

هو ليه كده بس ؟؟؟؟

الواحد مش عارف يعمل اللى نفسه فيه واللى هو عاوزه

يااااااااااااااااااااااه

ربنا يصبرننى

الحمدلله على كل شئ

عيد سعيد :)

2010-09-08T15:03:00.002-08:00

السلام عليكم ورحمة الله وبركاته

كل سنة وأنتم طيبين وعيد سعيد يارب على كل المسلمين

ويارب نكون من عتقاءك ياربي من النار ومن المعفو عنهم فى شهرك الكريم

اللهم إنك عفو تحب العفو فأعفو عنا

2010-08-29T13:29:00.003-08:00

اللهم إنك عفوا تحي العفو فأعفو عنا يارب

يارب اغفر لنا وأهدنا للخير وتوب علينا وأرحمنا ياأرحم الراحمين

يارب ملناش غيرك

يارب توب علينا وتقبل منا عبادتنا لك

واهدنا لطريق الخير

اللهم اننا لا نريد الا وجهك الكريم

ولا نريد الا عفوك يارأرحم الراحمين

ياااااااااااااااااااارب

رمــضـــــــان كـــــــــــــريــــــــم :)

2010-08-10T10:39:00.002-08:00

كل سنة وانتم طيبيييييييييييييين

ورمضان كريم

وربنا يعوده علينا بالخير يارب

وربنا يغفر لنا ويعتقنا من النار يااااااااااارب

بحبكم فى الله

وكل سنة وانتم بالف خييييير

لقد أوشك رصيد صبري على النفاذ .. يرجي إعادة شحن الصبر :)

2010-08-09T11:35:00.007-08:00

لقد أوشك رصيد صبري على النفاذ

ايووووووون

رصيد الصبر عندي خلاص قرب يفلس من الصبر .. طيب اعمل ايه اصيبه يفلس لحيم شحنه بعد كده ولا اعمل ايه

يعنى المفروض يعنى اسكت على الصبر ده لحد ما يخلص

طيب سؤال وجيه حد هيسألوهلي دلوقتى هو صبرك نفذ من ايه ؟؟

ايه اللى هيخليه ينفذ يعنى ؟؟

اقوله ايه بقي ان فيه حاجات كتير خنقتنى وان كتر ماانا بحاول أصبر مبقتش قادرة ان صبري يكمل اكتر من كده

الموضوع جاااااااااااب آآآآآخر زى ما تقوله كده ان خلاص أوشك رصيد صبري على النفاذ

والمفروض بقي ايه ادور على حاجة تانية اشحن بيها

الواحد لا بيحس ان كل حاجة حواليه خلاص مبقاش لها اخر

وان كل حاجة بيلاقيها بقت ضده

وان الدنيا رخمت اوى

بس الحمدلله طبعا على كل شئ

وانت المفروض خلاص مش عارف تحلها ازاى

وان حتى اللى كانوا بيصبروك او بيشحنوا طاقتك ورصيد صبرك بقوا هما نفسهم اللى بيستهلكوا رصيد صبرك ده وبتبقي عاوز تعمل اى حاجة عشان تقولهم ارحمووووونا بقي

مع انهم قبل كده كانوا بيرحموك بس مش اوى

ومن غير ما تتقولهم كانوا بيحاولوا يكونوا رحماء بيك عشان النفروض ان انتم مش ليكوا غر بعض

حتى الواحد مبقاش عارف ليه اللى حواليه اتغيروا لدرجة ان كل واحد بيبيق مش شايف غير نفسه ومصلحته

على الرغم ان زمان مكنوش كده

ليه الواحد لما بيجي يدور على اى حاجة كانت حلوة زمان بيلاقيها اتغيرت للأسوأ

لما كنا زمان بنزعل كنا بنلاقي حاجات كتير بتصالحنا

دلوقتى اخبط دماغك فى الحيط

بتبقي انت شايف انك عامل اللى عليك وزيادة بس مححدش بيشكر ولا بيقولك كتر خيرك

بتحس ان كل واحد بيبص لنفسه وللى يهمه وبس واللى هو عارف ان ده فى مصلحته ومش مهم انت ايه انت اصلا بالنسباله عشان يهتم بيك

ادى اللى الواحد بقي فيه

ده جزء صغير من اللى أستهلك صبري ورصيد صبري خلص عليه

خلاااااااااااااااااص هحاول أشحن ان شاء الله فى رمضان

قولوا ربنا يقدرك ولا أدعولي بأي حاااااااااجة

متبقوش بخلاء ومش تنسوا تدعولي

ربنا يكرمكم ويخليكم ياااااااااارب ادعولي دعوة صغنونة لاختكم المسكينة

هااااااااااااا مين دعالي ومين لسه مش دعي ومين مش ناوى يدعي

؟؟؟؟؟؟؟؟؟

الرجالة ماتوا فى 73 .. ياخسارتهم :(

2010-08-01T13:07:00.003-08:00

الرجالة ماتوا فى 73

الله يرحمهم .. الفاتحة .. آآآمين

ياخسارة الرجالة اللي فيكى يامصر

سبحان الله اللى يعيش ياما يشوف واللى يعيش أكتر هيشوف بلاوى اكتر

ربنا يسترها علينا وعلى باقي الرجالة القلة القليلة الباقية

بجد الواحد من كتر ما شاف وأتعامل مع ناس المفروض انها رجالة اكتشف انه غلطان اصلا انه يتقال عليهم رجالة تعامل فى شغل وفى الدنيا وفى التعامل مع كل حاجة وفى اى حاجة

مبقاش فيه اللى يقدر يتحمل مسئولية مثلا مسئولية بيت واسرة

ولا فيه اللى يقدر يتحمل مسئولية شغل وان فيه ناس فى رقبته مسئولة منه فى الشغل ده

ولا فيه حتى رجالة تقدر تقول انه صاحب صاحبه وانه يحافظ على الصداقة اللى بينه وبين صاحبه

خلااااااااااااااااااص الواحد يقرا الفاتحة على الرجولة

بعتذر للقلة القليلة من الرجالة اللى موجودة بس بجد الواحد خلاص مبقاش لاقي رجالة فى الزمن ده غير نادر جدا

بقوا عملة نادرة

ربنا يرحمنا برحمته ويسترها علينا فوق الأرض وتحت الأرض ويوم العرض عليك

آآآآآآآآآآآآآآآآآمين يارب

يامبدع ......

2010-07-29T11:34:00.002-08:00

الابداع

ممكن يكون الواحد مبدع وهو مش واخد باله

مبدع فى حاجات كتير

يعنى ممكن يكون مبدع فى تعامله مع الناس

وممكن يكون مبدع فى حياته الشخصية

وممكن يكون مبدع فى فكرة صغيرة قالها او رأي قاله او حاجة عملها وأترتب عليها حاجات حلوة كتير

وكل واحد فينا عنده موهبة الابداع

حتى الغبي عندى موهبة الابداع فى الغباء

تخيلوا الغباء ده حاجة مش اى حد برضه يعرف يوصلها واللى يوصلها يبقي مبدع

بس بجد لما كل واحد يعرف هو مبدع في ايه وينمي الابداع اللى عنده ده يبقي شئ رائع

بس طبعا الابداع ده يكون حاجة ايجابية مش سلبية

يعنى متجيش تقول ماانا غبي يبقي ابدع وأنمى الغباء الى عندى بقي

لالا الابداع يبقي فى الحاجة الحلوة والايجابية

ياريت كل واحد يطلع ابداعه هتبقي مصر حلوة وهتتغير للأحسن ان شاء الله

هى ديه آخرتها يعنى .. شكرا :(

2010-07-28T11:15:00.003-08:00

يبقي انت فاكر ان هو ده المفروض انه يحصل بس تطلع ان انت غلط أصلا

طيب وبعدين انت بتخاف على زعل اللى قدامك

واللى قدامك مش همه او يبقي همه بس مبيعرفش يتصرف عشان يرضيك زى ماانت بترضيه

تصدقوا الدنيا ديه غريبة بنعيش مهما نعيش وأتارينا فاهمنها غلط

ومش عارفين ان كنا احنا الصح ولا غيرنا هما الصح

نبقي عايشين يمين ويطلع فى الاخر شمال

نحترم اللى قدامنا والى قدامنا مبيحترمناش

ولما تطلب حقك ازاى يعنى تطلب حقك مش من حقك انك تطلبه اصلا

وتلاقي كل اللى حواليك بيدى مبررات للموقف ولو هما اتحطوا فى نفس الموقف يبقي لازم الدنيا تنقلب عشانهم

لكن انت مش من حقك اللى هو من حقهم

الدنيا ديه ماشة على مزاج كل واحد عايش فيها

وكل واحد فاكر نفسه صح وهو غلط

بس لازم نتعلم ولازم طول مااحنا عايشين نشوف كل حاجة ونشوف اشكال والوان كتيرة

لازم نقول مرة آآآآه وكتير هنقول لألأ

مرة هنتشكر ومرة هنتشتم

مرة هناخد حقنا وكتير هناخد على دماغنا

حياتنا مبقتش هتفرق الا اذا استفدنا منها صح وعرفنا نتصرف فيها صح واتعلمنا منها صح

كلامى كتير مش راكب على بعضه ويمكن محدش هيفهم اوله من آخره

بس أدينى بفضفض بدل ما أطق وأموت من الغيظ وحرقة الدم

استرها علينا يااااااااااااااااااااااااااااااااارب

وصبرني على اللى أنا فيه يااااااارب

يبقي هى كده ؟؟

2010-05-29T10:40:00.004-08:00

مكنتش متخيلة ان بعد ده كله هو ده اللى يحصل

بس عاااااااااادى خالص ولا أكن حاجة حصلت

وهنعدى الأيام وتيجى أيام تانية وهنشوف مين اللى ممكن يصبر ومين اللى ممكن ينسي ومين اللى نسي فعلا

نسيت صحيح .... شكرااااااا

هو ده ... Happy Birth Day To Meeee & to My Blog

2010-05-12T10:24:00.007-08:00

السلام عليكم ورحمة الله وبركاته

عيد ميلادى الكام؟؟؟؟ الكام ؟؟؟؟

آآآآآه عيد ميلادى الرابع ... 4 سنين يعنى

أيوة عندى 4 سنين ... متفهمنيش غلط ياجماعة أنا قصدي ال4 سنين ليا فى المدونة

ده عيد ميلادى الرابع يعدي عليا وأنا فى المدونة .. مدونتى حبيبتى .. أحلى وأغلى حاجة عندى هى مدونتى حبيبتى ... بقولها قبل ما أقولها لنفسي كل سنة وأنتى طيبة يامدونتى وكل سنة وأنا وأنتى مع بعض ودايما بكلمك وبتسمعينى وأجيلك وأشتكيلك وأفرح وأفرحك معايا ... لأنك أنتى أجمل حاجة فى حياتى

كل سنة أنتم طيبين ويارب دايما كل عيد ميلاد يبقي فى مدوتنى أحلى وأجمل عيد ميلاد ليا ان شاء الله

كل سنة وأنتم طيبين وأنا كمان طيبة هو مش من نفسي ولا ايه أقول لنفسي كل سنة وحضرتى طيبة

كل سنة وحضرتى بخير

كل سنة وأنا بحبكم دايما

كل سنة وأنا بحب مدونتى حبيبتى

عاوز تغير الريس ؟؟؟؟

2010-04-30T07:42:00.003-08:00

حتة سياسة كده

بقالي كتييييييير متكلمتش فى السياسة مش خوف لاسمح الله بس لأن مكنش ليا نفس بصراحة أكتب فى السياسة ولا فى اى حاجة تانية

عارفة انى اللى هأكتبه يمكن اتقال كتير وناس عارفاه

بس فعلا انا آمنت بالموضوع ده

كلنا معترضين على الرئيس وعلى حكمه وانا واحدة من الناس من المعارضين ورافضة النظام اللى ماشي فى البلد

بس لما فكرت فيها بجد وفكرت فيها صح

لاقيت ان البلد مهياش مجرد الرئيس وبس .. لأ البلد عبارة عن الرئيس والشعب

والشعب هو القوى العظمى

يعنى ليه دايما نقول عاوزين نغير الريس وان الريس مبيتغيرش ومعترضين وبس

طيب نفترض ان احنا مفيش فى ايدينا اننا نغيره فى الوقت الحالي هنقول مفروض علينا غصب عننا حاجة كده زى دول الكحة ومضطرين ناخده

طيب هو مش المفروض ان اللى عاوز يغير يغير من نفسه الأول يغير من البيئة اللى عايش فيها يغير من سلوكه وبيته وحياته

يغير فى طريقة تربيته لولاده ويتعلم ازاى يربيهم صح

يغير سلوكه الدينى ويتعلم ازاى يعبد ربنا صح

يغير سلوكه واسلوبه فى كل حاجة عشان يقدر يعملها صح كما يجب ان تكون

لما كل واحد يتغير للأحسن ويصحح من نفسه ويغير أسلوب حياته ويلاقي نفسه كل حاجة على أكمل وجه يقدر ساعتها يخرج للعالم اللى برة بيته ويقدر يغير فيه طالما هو بقي صح وبعدها يقدر يخرج للدايرة الأوسع ويغير فيها برضه واحدة واحدة هيبقي فيه قوة فى ايدينا اننا نغير الريس وابو الريس كمان

وساعتها يبقي كل حاجة من حقنا ومحدش يقدر يقولنا لأ ملكوش حق تقولوا عاوزين الريس الفلانى ولا العلانى

التغير يبدأ من الداخل .. من جوة نفسك ..

حتة سياسة من نفسي

سأبحث عن شئ ما ....

2010-03-25T14:41:00.003-08:00

لم يأتي اليوم الذي أنتظره

أنتظرت لكي أري اليوم الذي طالما حلمت به لكي أشعر بفرحة قلبي

ولكن قلبي لم يعد يفرح

لم أجد شئ يُفرح قلبي بعد

ولكن سأبحث عن هذا اليوم فى أي يوم قادم فى حياتى بإذن الله

لم ولن أستسلم لهذا أبداً

لم أسمح للاحباط أن يجعلنى أنهزم او أشعر بهزيمة في يوم من الأيام

قد يتوالي علينا جميعا الشعور بالاحباط ولم نستطع أن نخرج من هذا الإحباط ولكن بالصبر وبالاستعانة بالله عزوجل

نستطيع أن نخرج من كل ما ألم بنا من إحباطات وآلام

لم أعد أستطيع ان أتحمل أى شئ أكثر من هذا ولكن سأصبر الى ان أجد ما يسعد قلبي

لم أنتظره بل سأبحث عنه

لم أكن كما كنت من قبل ولم أستسلم لهذا أبداً

لماذا أستسلم لهذا وأنا مازالت على قيد الحياة وأستطيع أن أحسن من نفسي وممن حولي

أستطيع أن أجد ما يسعدنى ويسعد غيري

وأستطيع أن أغير من نفسي وممن حولي

لا أريد أن يكرهنى أحد ولا أن يقف أمامى أحد لكي يتنافس معي على شئ ليس له قيمة

الجميع يبحث عن أشياء مختلفة ويبحث بداخله عن الكثير والكثير

ويبحث بداخل الآخرون ويريد أن يعمل مع الأخرون لكي يحقق ذاته

هكذا هى حياتنا وهكذا هي الحياة عامة

ولماذا لا نريد أن نقف بوجه من حولنا لكي نثبت نفسنا ونحقق ذواتنا

أردت أن أعبر عن مايدور بداخلى حتى وان لم يكن له صلة ببعضه البعض

أردت أن أكتب وأخرج ما بداخلى على صفحة مدونتى الجميلة

شكرا لكِ يامدونة لسعة صدرك وسماعك لي حتى وان كان كلامي ليس له صلة ببعضه البعض

وسأكتب دوما بإذن الله حتى وان كان كلامى لم يكن متعلق ببعضه

هـــكــذا أنـــا ......

2010-02-27T19:27:00.005-08:00

سأصير يوماً كما أريد... ولم أكن كما يريد الآخرون...هــكــذا أنــا

هكذا أنا ولم أتنازل عن شخصيتى أبدا

عنيدة .. قوبة ... حساسة .. غيورة ..

هكذا أنا لا أقبل بتغيير نفسي ولا أقبل بأن يغيرنى أحد

لا أستطيع أن أكون غير ما أريد أن أكون عليه

هــكـــذا أنـــا

عندما أحب (أصدقاء -أقارب-أو أي شخص كان ) أحبه حب لا يستطيع أن ينافسنى عليه أحد

وعندما أكره شخص ما.... لا يستطيع أحد يكرهه مثلي

عندما أصر على شئ لا أقبل بأقل منه بل الأكثر منه بكثير فأن أمينتى لتحقيق هذا الشئ فإنها أصغر بكثير ما أتمنى أن أصل اليه

لا أستطيع تقبل من حولي وهم لا يقدرونى كما أقدرهم وكما أعطيهم وضعهم الصحيح

فكما أعطي لكل من حولي مكانته الصحيحة التى هو عليها فأريد أيضا ان يعطوني مكانى

الذي أنا عليه ولا أقبل بأقل من هذا

لا أحب من يغضبنى عن قصد ولا يريد الاعتذار مهما كان وهو يعلم أنه هو من أخطأ

قوية لدرجة أننى لا أتأثر بأى شئ بسهولة

لا أستطيع أن تتساقط دمعاتى الا بصعوبة بالغة

أشعر بقوة قلبي وكم أتحمل من أي شئ

حزن .. صدمات .. آلام

قلبي مازال قويــاً

لا أريد أن يغيرنى أحد بل أريد أن أغير من نفسي عندما أحب أن أتغير

ما زالت أحلم وأخطط لأشياء كثيرة فى حياتى ولن ولم أتنازل عنها أبدا حتى أصل إليها ان شاء الله

ولم ولن أستسلم لشئ ولا أريد أن أقول هكذا الوضع و لا أستطيع تغيره ...... بــل سأقول هـكـذا أنــا وسأصبح كما أريد أن أكون بإذن الله

"وسأصير يوما كما أريد ... ولم أكن كما يريد الآخرون ... "هــــــكــــــذا أنـــــــــا